दहिवडी :  जिल्हा परिषद प्राथमिक केंद्र शाळा आंधळी या शाळेचा 121 वा वर्धापन दिन दिनांक 28 रोजी संपन्न होत असून दरम्यान माजी विद्यार्थ्यांचा मेळावाही होणार आहे.अखंड शिक्षण सेवेची 121 वर्ष कशी झाली आणि शाळा कशा पद्धतीने बदलली याचा लेखाजोखाही मांडण्यात येणार आहे. शनिवार दिनांक 28 डिसेंबर 2024 रोजी सकाळी नऊ ते दहा या वेळेत प्रभात फेरी, सायंकाळी चार ते पाच या वेळेत माजी विद्यार्थी यांचा मेळावा,सायंकाळी पाच ते सहा या वेळेत माजी विद्यार्थी मनोगत व अनुभव मांडले जाणार आहेत,सायंकाळी सहा ते सात या वेळेत शाळेचा वर्धापन दिन साजरा करणे,सायंकाळी सात ते नऊ या वेळेत सांस्कृतिक कार्यक्रम, सायंकाळी नऊ ते दहा या वेळेत स्नेहभोजन व समारोप करण्यात येणार आहे. येत्या काळात शाळेत भौतिक सुविधा निर्माण होतील,आकर्षक रंगकाम होईल, शाळेच्या भिंती बोलू लागतील,शैक्षणिक साहित्य उपलब्ध होईल,शाळेत अदययावत स्वयंपाक गृह निर्माण होईल, परसबाग शाळेचे चैतन्य निर्माण करेल, सांस्कृतिक मंचामुळे विद्यार्थ्यांच्या सर्वांगीण विकासाला वाव मिळेल, शाळेच्या मैदानात उत्तम खेळाडू घडतील, विद्यार्थिनींना विज्ञान आणि तंत्रज्ञान आत्मसात करतील, शाळेचा विद्यार्थी व परिसर सुरक्षित राहील, शाळेच्या मैदानात उत्तम खेळाडू घडतील,आदर्श मॉडेल स्कूल तयार होईल,व्हिजन गो टू स्कूल हा उपक्रम सुरू करण्यात येईल यासह अनेक उपक्रमांनी शाळा सुसज्ज होईल असा विश्वास सरपंच दादासाहेब काळे यांनी व्यक्त केला.