देशमुखनगर : हरपळवाडी (ता. क-हाड) येथील प्राथमिक शाळेतील राज्य पुरस्कार विजेते शिक्षक संजीवन मोहिते यांचा सेवानिवृत्तीनिमित्त शिक्षण संचालक महेश पालकर यांच्या हस्ते सत्कार करण्यात आला.

कार्यक्रमास प्रसिद्ध व्याख्याते गणेश शिंदे, शिक्षक संघाचे जिल्हाध्यक्ष महेंद्र जानुगडे, संजय शेजवळ, हणमंत काटे, राजेंद्र पाटील, निवास पाटील, दत्तात्रय महांगरे, जितेंद्र आवळे, शिवाजी पवार, संगीता मोहिते, सुनील खंडाईत, शंकरराव गोडसे, प्रदीप गोरे, प्रणोती मोहिते आदी उपस्थित होते.मोहन जाधव यांनी प्रास्ताविक केले.दत्तात्रय कुंभार यांनी आभार मानले.
या वेळी हरपळवाडी, शिरगाव, पाल, पेंबर, गुठाळे, नागठाणे आदी गावातील शिक्षक, ग्रामस्थ उपस्थित होते. कार्यक्रमात संजीवन मोहिते यांचा ग्रामपंचायत, भैरवनाथ चॅरिटेबल ट्रस्टतर्फे सपत्नीक सत्कार करण्यात आला.

हरपळवाडी (ता. क-हाड) संजीवन मोहिते यांचा सत्कार करताना महेश पालकर.