आंधळी, :        मार्डी ता. माण येथे आज दि. १३ रोजी सकाळी ७ सुमारास नवीन विहीरीचे काम चालू असताना रावसाहेब बापूराव देसाई वय ६४ रा.मार्डी यांचा विहीरीच्या कट्यावरती पडून गंभीर जखमी होऊन जागेवरच मृत्यू झाला.

 घटनास्थळावरून मिळालेली माहिती अशी की, मार्डी येथील संजय देशमुख यांच्या शेतात नवीन विहीरीचे खोदकाम चालु होते . खोदकाम पुर्ण झालेवर दगडी कटड्याचे काम गेली 8 दिवस सुरू आहे. संजय देशमुख यांचे भावकितील लोकच बांधकाम करत होते. आज सकाळी नेहमीप्रमाणे सकाळी 7 ते 7 :30 च्या सुमारास बांधकामास लोक विहिरीवर पोहचले होते . काहीजण कपडे बदलत होते त्यावेळी रावसाहेब देसाई अंदाजे वय ६४ हे घमेले व खोरे घेण्यासाठी कठड्यावरून चालत चालले असताना अचानक तोल जाऊन विहिरीतील सपावर पडले व त्यांनंतर पाण्यात पडले. अचानकपणे घडलेल्या प्रकाराने सगळेजण घाबरले त्यातील दोघांनी लगेच पाण्यात उड्या मारून त्यांना बाहेर काढण्याचा प्रयत्न केला पण पाणी जास्त असल्याने ते सापडले नाहीत . तोपर्यंत विहीर मालक संजय देशमुख तेथे पोहचले त्यांनी लगेच घडलेल्या घटनेची माहिती पोलिस पाटील यांना कळवली . 

 पोलीस पाटील यांनी लगेच पोलीस ठाण्यात माहिती कळवून घटनास्थळी गेले . गावातील काही युवकांच्या मदतीने बॉडी पाण्यातुन बाहेर काढली . सदर घटनेची नोंद पोलीस ठाण्यात दाखल करण्यात आली असून अधिक तपास पोलीस करत आहेत.