देशमुखनगर :   खोजेवाडी ता सातारा गांवच्या पश्चिम वेशीवर असणाऱ्या वाण्याची सोंड व वाण्याचा ओढा परिसरामध्ये बिबट्याचा वावर असल्याची चर्चा या आठवडाभरात होती. आज दि. २३ सप्टेबर सायंकाळी ७ वाजणेचे सुमारास खोजेवाडी येथील अविनाश मोकाशी सर व देशमुखनगर येथील प्रतिश जाधव हे बोरगांव नांदगांव रस्त्याने प्रवास करत असताना बिबट्याचे प्रत्यक्ष दर्शन झाले. त्यामुळे या परिसरात बिबट्याचा वावर असलेच्या चर्चांना दुजोरा मिळून भितीदायक वातावरण पसरले आहे. 
       रोज सकाळी व सायंकाळी व्यायामासाठी बाहेर पडणाऱ्या नागरिकांनी व दिवसभर शेत शिवारात काम करणाऱ्या शेतमजुर ,शेतकऱ्यांनी स्वता:ची काळजी घ्यावी तसेच वनविभागाने लवकरात लवकर बिबट्याचा शोध घेऊन पकडण्यासंदर्भात योग्य पावले उचलावीत अशी मागणी खोजेवाडी व आंबेवाडी ग्रामस्थ शेतकऱ्यांमधुन होत आहे.