दहिवडी : आषाढी यात्रा सोहळा दोन वर्षांनंतर प्रथमच निर्बंधमुक्त साजरा झाला. या सोहळ्यात १५ लाखांवर अधिक भाविकांनी विठुनामाचा जयघोष करित भर पावसात उपस्थिती लावली. आषाढी एकादशी झाली की द्वादशीपासून भाविक परतीच्या प्रवासाला निघाले. वारकऱ्यांमुळे पंढरीत तयार झालेला कचरा उचलण्याचे काम नगरपालिका, आरोग्य विभाग, सेवाभावी संस्था, प्रशासन यांच्यावतीने केलं जाते.
भाविकांची जसजशी संख्या कमी येईल त्या पद्धतीने स्वच्छता करण्यास वेग येत आहे.
दि. १२,१३ व १४ रोजी शिवशाहू बहुउद्देशीय संस्थेच्या वतीने चंद्रभागा वाळवंटात, पालखी स्थळावर , पंढरपूर शहरातील विविध ठिकाणी स्वच्छता करण्यात आली. आणि पांडुरंगाच्या दारी स्वच्छतेची वारी अर्पण केली.
या उपक्रमाचे नेतृत्व मा. जय विजय लोखंडे यांनी केले. मोहिमेसाठी संस्थेचे संस्थापक मा.तुषार कदम, संस्थेचे कौस्तुभ लवटे, सौरभ उपाध्ये, ऋषिकेश जाधव, सोनाली पाटील, सुशांत निकम आदींनी सहकार्य केले. या मोहिमेत ५० स्वच्छतादुतांनी निस्वार्थपणे व सेवाभावीवृत्तीने सहभाग नोंदविला होता.
Satara News Team एकनाथ वाघमोडे
