फलटण: भारतीय जनता पार्टी महाराष्ट्र यांच्या वतीने कार्यालय सचिव श्री मुकुंद कुलकर्णी यांनी पक्षशिस्त भंग कृत्य केल्याने कारणे दाखवा नोटीस पाठवली आहे. या नोटीस मध्ये देशाचे पंतप्रधान सन्माननीय नरेंद्रजी मोदी मुख्यमंत्री सन्माननीय देवेंद्रजी फडणवीस केंद्रीय मंत्री सन्माननीय नितीनजी गडकरी प्रचारासाठी माळशिरस येथे आले असता सदर कार्यक्रमास आमदार श्री रणजीत सिंह मोहिते पाटील यांची अनुपस्थिती. 

      तसेच पत्रकार परिषदेत मोहिते पाटील यांच्या परिवारातील सदस्यांनी भाजपच्या माढा आणि सोलापूर लोकसभेच्या जागा पाडण्यासंदर्भात जाहीर वक्तव्य केले तसेच बूथ प्रमुखांना धमकावणे पोलिंग एजंट मिळून न देणे. तसेच महायुतीच्या सरकारने शंकर सहकारी कारखान्यास आर्थिक मदत केली असताना सुद्धा त्याच कारखान्यातील चिट बॉय कडून राष्ट्रवादी शरद चंद्र पवार गटाचा प्रचार केला तसेच कारखान्याच्या सिव्हिल विभागातील कर्मचाऱ्यांकडून सदाशिवनगर येथील रहिवाशांना घरोघरी जाऊन राष्ट्रवादीच्या उमेदवारास मतदान करण्यास सांगण्यात आले अशा प्रकारच्या बाबी निदर्शनास आल्या. अशा गंभीर बाबी निदर्शनास आणून सात दिवसात लेखी स्वरुपात स्पष्टीकरण सादर करावे असा उल्लेख या नोटीसित करण्यात आला आहे