नागठाणे : सातारा तालुक्यातील खोजेवाडी- देशमुखनगर दरम्यान अँटलांटा पेट्रोलपंपा जवळ स्वीप्ट आणि मारूती कार यांची समोरा समोर धडक होवून पाच जण जखमी झाले.रविवारी दुपारी हा अपघात झाला असून त्यातील दोघे गंभीर जखमी आहेत. याबाबत घटनास्थळावरून मिळालेल्या माहितीवरून मारुती व्हॅन मधील यशवंत दिनकर धुमाळ, सिंधू यशवंत धुमाळ, कार्तीक यशवंत धुमाळ (रा. सातारा) व स्विफ्ट कारमधील शिवनाथ साळुंखे, अमोल साळुंखे (रा. नागठाणे.ता.सातारा), प्रतीक्षा कृष्णत घाडगे (रा. फत्यापूर,ता.सातारा) अशी जखमींची नावे आहेत. मारूती ओमनी कार बोरगावहुन नांदगावकडे जात असताना देशमुखनगर मार्गे येत असलेल्या स्विप्ट कारला जोरदार धडक दिली. घटनास्थळी आण्णा मिस्त्री, शंकर जाधव, शशीकांत घोरपडे, भरत घोरपडे, डॉ. तात्या घोरपडे व ग्रामस्थांनी जखमींना गाडीतून बाहेर काढून उपचारासाठी रुग्णालयात पाठवले. यावेळी घटनास्थळी बोरगाव पोलिस ठाण्याचे सहाय्यक फौजदार फिरोज शेख,हवालदार अमोल गवळी,अपघात विभागाचे विजय देसाई,प्रकाश वाघ यांनी भेट देऊन माहिती घेतली. देशमुखनगर:- अपघातात ओम्नी व्हॅनची अशी अवस्था झाली होती