फलटण. : फलटण तालुक्यातील वेळोशी या गावातील शेतकरी श्री किसन रघुनाथ रोमन हे शुक्रवार दिनांक 6 मार्च 2026 रोजी सकाळी शेतात गवत आणि घास कापण्यासाठी गेले असता अचानक रानडुकराने येऊन त्यांच्यावर हल्ला चढवला. या हल्ल्यात रोमन हे गंभीर जखमी झालेले असून त्यांच्या प्रकृती बाबत पुढील माहिती अजून स्पष्ट झालेली नाही. फलटण तालुक्यात वन्य प्राण्यांची वाढती संख्या पाहता वनविभागाने सतर्क होऊन अशा वन्य प्राण्यांच्या पासून होणाऱ्या हल्ल्याबाबत तातडीने उपाययोजना कराव्यात अशी मागणी आता फलटण तालुक्यात जोर धरू लागली आहे. 

विडणी येथे झालेल्या रानगव्याच्या हल्ल्यानंतर आमदार सचिन पाटील यांनी महाराष्ट्र विधानमंडळात याबाबत प्रश्न उपस्थित करून शासनाचे लक्ष नुकतेच वेधून घेतले आहे. वेळोशी आणि आजूबाजूच्या परिसरात रानडुकरांची वाढती संख्या पाहता आता या भागातील शेतकरी भयभीत झाले असून वन विभागाने शेतकऱ्यांच्या संरक्षणासाठी तातडीने उपाययोजना करावी अशी नागरिकांची मागणी होत आहे.

वन्य प्राण्यांच्या उपाययोजनाबाबत वनविभागाच्या निष्क्रियतेमुळे अशा वन्य प्राण्यांचे हल्ले होत आहेत असा नाराजीचा सूर फलटण तालुक्यातील शेतकऱ्यांमधून दिसून येत आहे