पुसेगाव : काल दि. १३ जून २०२६ रोजी खटाव तालुक्यातील पुसेगाव येथे नेर तलावावर मासे पकडण्यासाठी गेलेला ३५ वर्षीय मेहुणा अचानक बेपत्ता झाल्याची घटना घडल्या बाबतची मिसिंगची तक्रार पुसेगाव पोलिस ठाण्यात दाखल करण्यात आली.
पुसेगाव येथे फरशी बसवण्याचे काम करणारे सुरेंद्र चंद्रजीत सहानी वय ४५ यांनी दिलेल्या खबरी जबाबानुसार, ते आपली पत्नी बलावती, दोन मुले अभिषेक व विवेक आणि मुलगी निशा तसेच मेहुणा जालिंदर नरशिंग सहानी वय ३५ यांच्यासह सध्या पुसेगाव येथे वास्तव्यास आहेत. तालुक्यातील निढळ येथील कॉन्ट्रॅक्टर बापू पवार यांच्या घर बांधकाम व्यवसायात ते फरशी बसाविण्याचे काम करून कुटुंबाचा उदरनिर्वाह करीत होते. मूळचे ते उत्तर प्रदेशातील गोरखपुर जिल्ह्यातील कम्पियारगंज, बक्तावर नगर, ता. चौमुखा चे रहिवासी आहेत.
सुरेंद्र सहानी यांनी दिलेल्या माहितीनुसार, १३ जून २०२६ रोजी दुपारी ३ वाजता ते कामावरून घरी आले. सायंकाळी ४ वाजता ते, त्यांचा मेहुणा जालिंदर नरशिंग सहानी आणि राजू नरशिंग सहानी असे तिघे नेर तलावावर मासे पकडण्यासाठी गेले. सायंकाळी ६ वाजण्याच्या सुमारास जालिंदर सहानी हे कोणाला काहीही न सांगता निघून गेले. बराच वेळ होऊनही ते परत न आल्याने या दोघांनी आजूबाजूच्या परिसरात त्यांचा शोध घेतला, मात्र ते सापडले नाहीत. त्यानंतर मित्र व नातेवाईकांकडेही चौकशी केली, परंतु त्यांच्याबद्दल कोणतीही माहिती मिळाली नाही.
बेपत्ता झालेल्या जालिंदर सहानी यांचे वर्णन सांगून सुरेंद्र सहानी यांनी पुसेगाव पोलिस ठाण्यात तक्रार दिल्यानंतर पोलिसांनी मिसिंगची नोंद करून नेर तलावातील मासेमारीच्या अनुषंगाने जालिंदर सहानी यांचा शोध सुरू करताना
सदर बेपत्ता व्यक्ती मासे पकडण्यासाठी नेर तलावात गेला असता पाय घसरून पाण्यात पडून बुडला असल्याची देखील शक्यता असू शकते. व कदाचित याचमुळे सापडत नसावा असा कयास बांधून सदर व्यक्तीच्या शोधासाठी तातडीने साताऱ्यातून छ. शिवेंद्रराजे भोसले रेस्क्यु टीमला पाचरण करून त्यांच्या पथका मार्फत आज दि. १४ जून रोजी दुपारी ०१.०० वाजता मयत जालिंदर नरसिंग सहानी याचा मृतदेह शोधण्यात त्यांना यश आले. सदर मयताचे पोस्ट मार्टम केल्यानंतर मृतदेह त्यांच्या नातेवाईकांच्या तब्ब्यात देण्यात आला आहे.
निसार शिकलगार 
