कास पठार : कास पठार लगत असणाऱ्या सातारा तालुक्यातील पिसानी गावातील श्री नामदेव दगडू गोगावले यांच्या गिरनोळी नावाच्या  शिवारात असलेल्या विहिरीत पाण्याच्या शोधार्थ भटकंती करणाऱ्या रानगव्याचा विहिरीत पडून मृत्यू झाल्याची घटना उघडकीस आली आहे साधारण दोन-तीन दिवसापूर्वी ही घटना घडली असावी अशी शक्यता आहे
कास पठार पासून सातारच्या दिशेला जवळजवळ पाच किलोमीटर अंतरावर ती पिसाणी हे गाव असून या परिसरात रानटी प्राण्यांचा जास्त उपद्रव असल्यामुळे या परिसरातील शेतकऱ्यांनी जवळ जवळ शेती करणे सोडून दिले आहे त्यामुळे शेत शिवारात भटकंती करणे थांबले आहे पिसाणी गावचे श्री नामदेव दगडू गोगावले दर चार-पाच दिवसांनी आपल्या शिवारात असलेल्या विहिरीच्या परिसरात जाऊन एक फेरफटका मारत असतात आज सकाळी फेरफटका मारत असताना त्यांना विहिरीत रानगवा पडलेला दिसून आला आणि मृत अवस्थेत आसल्याचे दिसून आल्यानंतर पिसानी गावचे सरपंच श्री लक्ष्मण गोगावले यांनी वन विभाग सातारा यांना सूचना दिली असून सातारा वन विभाग त्याचप्रमाणे कास पठार कार्यकारी समितीची टीम घटनास्थळी दाखल झाली आहे