सातारा शहरामध्ये मोटारसायकल चोरीचे गुन्हयाचे अनुशंघाने सातारा शहर डी.बी. पथकातील पोलीस स्टाफ पेट्रोलिंग करीत असताना मा. वरीष्ठ पोलीस निरीक्षक श्री. भगवान निंबाळकर यांना बातमीदारामार्फत मोटारसायकल चोरीतील संशयित युवकांची माहिती प्राप्त झाली त्याअनुशंघाने सातारा शहर डी. बी. पथकास मिळालेल्या माहितीच्या आधारे संशयितांना पकडणेबाबत मार्गदर्शन व सुचना दिल्या. त्याअनुशंघाने डी.बी. पथकातील पोलीस स्टाफ सातारा शहरामध्ये पेट्रालिंग करित असताना अजंठा चौक परिसरामध्ये दोन युवक विना नंबर प्लेट बजाज पल्सर मोटारसायकलवरून संशयास्पद फिरताना दिसून आले. त्यास डी.बी. पथकाने सदरची मोटारसायकल पाठीमागून पकडली असता त्यांनी सदरची मोटारसायकल जबरदस्तीने चालवण्याचा प्रयत्न केला. त्यावेळी डी.बी. पथकातील स्टाफने त्यांना जागीच पकडले. त्यांचेकडे सदर मोटारसायकलबाबत विचारपूस केली असता त्यांना कोणतेही समाधानकारण उत्तरे देता आली नाहीत. म्हणून सदर युवकांना ताब्यात घेवून त्यांना अटक करून त्यांचेकडे अधिक सखोल चौकशी केली असता त्यांनी सदरची मोटारसायकल हि चोरीची असून ती त्यांना त्यांचे अन्य एका साथीदाराने दिल्याचे सांगितले. सदर मोटारसायकल हि बारामती तालुक्यातून चोरी झालेली समजून आले. तसेच त्यांचेकडे अधिक चौकशी केली असता त्यांचेकडून आणखी एक बुलेट मोटारसायकल चोरी केली असल्याचे समजले. सदरची बुलेट मोटारसायकल देखील जप्त करण्यात आलेली आहे.

भादविसक ३७९ सदर दोन्ही मोटारसायकल या वडगाव निंबाळकर पोलीस ठाणे हददीतील असल्याने संबंधित पोलीस ठाणेस सदरची माहिती देण्यात आलेली आहे.

सदरची कारवाई मा. पोलीस अधिक्षक साो अजयकुमार बन्सल, मा अपर पोलीस अधिक्षक सो. अजय बो-हाडे, मा सहा. पोलीस अधिक्षक सो आँचल दलाल मॅडम, वरिष्ठ पोलीस निरीक्षक श्री भगवान निंबाळकर, यांचे मार्गदर्शनाखाली गुन्हे प्रकटीकरण पथकातील पोलीस उपनिरीक्षक श्री. सुधीर मोरे, पो.ना. सुजित भोसले, अविनाश चव्हाण, ज्योतीराम पवार, पंकज ढाणे, अभय साबळे, गणेश घाडगे, संतोष कचरे यांनी केलेली आहे.