कराड : आगाशिवनगर कराड येथे प्रेम संबंधातून खून झाल्याची घटना मंगळवारी पहाटे घडली आहे 

याबाबत पोलिसांकडून मिळालेली माहिती अशी की राजेंद्र  काळे वय वर्ष 45 राहणार शिवाजी स्टेडियम कराड असे खून झालेल्या व्यक्तीचे नाव आहे, तर सारिका चंद्रकांत कोळी राहणार आगा शिवनगर कराड ताब्यात घेतलेल्या महिलेचे नाव आहे.

राजेंद्र काळे यांचे सारिका कोळी यांच्यासोबत प्रेम संबंध होते. राजेंद्र  काळे तिच्यावर वारंवार संशय घेत होता याच्यावरून त्या दोघांच्या सतत खटके उडत होते,   रागाच्या भरात सारिका कोळी हिने मंगळवारी पहाटे कुऱ्हाडीने राजेंद्र काळे याच्यावर वार करत  खून केला या घटनेची पोलिसांना माहिती मिळतात डीवायएसपी राजश्री पाटील पोलीस निरीक्षक दत्तात्रय दराडे यांच्या सह कर्मचाऱ्यांनी घटना स्थळावर धाव घेत महिलेस ताब्यात घेतले पोलिसांकडून याबाबतचा अधिक तपास सुरू आहे.