सातारा : सातारा तालुका पोलिसांची धडाकेबाज कारवाई केलेली असून पाली ता. जि. सातारा गावाच्या हद्दीत बेकायदेशीर गांजाची लागवड केले असल्याची गुप्त माहिती सहाय्यक फौजदार धनाजी वायदंडे यांना मिळाली होती. या अनुषंगाने सातारा तालुका पोलीस ठाण्याचे प्रभारी पोलीस निरीक्षक श्री निलेश तांबे यांनी टीम तयार करून पाली तालुका सातारा या ठिकाणी कारवाई केली असता पाली या गावांमध्ये गट नंबर 23 मधील सुमारे 30 गुंठे क्षेत्रात असलेल्या गव्हाच्या पिकात आंतरपीक म्हणून गांजा या पिकाची लागवड केल्याचे आढळले. दरम्यान सदर पिक हे गांजाचे असल्याची पडताळणी करून सुमारे 51 किलो 275 ग्रॅम वजनाचा गांजा जप्त केला असून याची बाजारभावानुसार 12 लाख 81 हजार 275 इतकी किंमत होत असून सातारा तालुका पोलीस ठाणे येथे एनडीपीएस कायद्यानुसार गुन्हा दाखल करण्यात आला असून गांजाची लागवड करणारा संशयित आरोपी  नामदेव लक्ष्मण माने वय-42 वर्षे रा  पाली . ता जि सातारा यास अटक केली असून पुढील तपास सहाय्यक पोलीस निरीक्षक सुदर्शन काटकर करीत आहेत.

सदरची कारवाई मा. पोलीस अधीक्षक सो, सातारा, तुषार दोशी, मा. अपर पोलीस अधीक्षक सो, सातारा, श्रीमती वैशाली कडुकर, मा. उपविभागीय अधिकारी सातारा विभाग, सातारा श्री राजीव नवले, सातारा तालुका पोलीस ठाणेचे प्रभारी अधिकारी श्री निलेश तांबे यांचे मार्गदर्शनाखाली गुन्हे प्रकटीकरण पथकाचे सपोनि विनोद नेवसे, सपोनि सुदर्शन काटकर, सफी धनाजी वायदंडे, पोहवा मनोज गायकवाड, पोहवा राजु शिखरे, पोहवा पंकज ढाणे, पोहवा दादा स्वामी, पोहवा सतिश बाबर, पोहवा प्रदीप मोहिते, पोहवा मालोजी चव्हाण, पोहवा किरण जगताप, पोकों संदिप पांडव, पोकॉ सुनिल भोसले, पोकॉ सचिन झनकर तसेच फॉरेन्सिक पथकातील सपोनि रुपाली मोरे, पोहवा मोहन नाचण, पोहवा प्रशांत ताटे, पोहवा मारुती अडागळे, पोकॉ अमोल निकम यांनी केलेली आहे.

सर्व अधिकारी व कर्मचारी यांचे श्री. तुषार दोशी, पोलीस अधीक्षक सातारा, श्रीमती वैशाली कडुकर, अपर पोलीस अधीक्षक सातारा, श्री राजीव नवले, मा. उपविभागीय अधिकारी सातारा विभाग, सातारा यांनी कौतुक व अभिनंदन केले