सातारा : सध्या सर्वत्र वृक्षारोपण करून सामाजिक भान राखले जात आहे. अशावेळी सातारा बस स्थानक शेजारील सामान्य प्रशासन भवन प्रवेशद्वारा नजीकचे गुलमोहराचे झाड उलमडून पडले आहे. सदर कार्यालय कामकाजाच्या वेळेला येणाऱ्या कर्मचाऱ्यांनी हे झाड लावून या ठिकाणी वृक्षारोपण केले होते. एका गुलमोहराच्या झाडाने चक्क भवन शेजारीच मान टाकलेली आहे. प्रवेशद्वाराजवळच पडल्यामुळे अद्यापही ते बाजूला करण्याचे काम सुरू झालेले नाही.      

    शासकीय अनेक कार्यालय म्हणजे गुप्तवार्ता विभाग, रोजगार व कौशल्य विकास, जिल्हा माहिती कार्यालय,  वाहतूक विभाग, कौटुंबिक न्यायालय, प्रदूषण नियंत्रण मंडळ,  उपनिबंधक कार्यालय, कृषी कार्यालय, आत्मा, अशी महत्त्वाची कार्यालय या इमारतीत असल्यामुळे नियमित नागरिकांची वर्दळ होते.  आवारातील हे गुलमोहराचे झाड मुळासकट उन्मळून पडले आहे वास्तविक पाहता या ठिकाणी अनेक कर्मचारी आपली वाहने उभी करतात. त्या बाजूला ते न पडता इमारतीच्या बाजूला पडल्यामुळे कुठलेही नुकसान झाले नाही. या ठिकाणी रॅम असून दिव्यांग कर्मचारी आपले वाहन लावतात. सदरचे झाड बाजूला करून सातारा  नगरपालिकेन त्वरित तत्परता दाखवावी. अशी मागणी रिपब्लिकन पार्टी ऑफ इंडिया कवाडे गटाचे राज्य उपाध्यक्ष रमेश अनिल उबाळे यांनी व वृक्ष प्रेमींनी केली आहे......  .....        

   नवीन सामान्य प्रशासन भवन शेजारी उलमडून पडलेले झाड (छाया- निनाद जगताप सातारा)