दहिवडी पोलीस ठाण्याची नवनियुक्त सपोनी. अक्षय सोनवणे यांनी पहिल्याच बाॅलवर षटकार मारत दोन नंबर वाल्यांच्या विरोधात धमाकेदार कारवाई करत आपले मनसुबे स्पष्ट केले आहेत. त्यामुळे दोन नंबर व्यवसाय करणाऱ्यांचे धाबे दणाणले आहेत.
माण मधील मार्डी येथे पोलीसांची दिशाभूल करण्याच्या उद्देशाने मके सारख्या पिकांत गांजा लागवड करून त्याची विक्री करत असल्याची माहिती दहिवडी पोलिसांना मिळाली होती. त्या माहितीच्या आधारे दहिवडी पोलिसांनी वेशांतर करून गुडघाभर चिखलात घुसून सदर शेतात छापा टाकला.
सदर छाप्यात दहिवडी पोलीस ठाण्याचे इतिहासातील आज पर्यंतची गांजा विक्री विरोधातील सर्वात मोठी कारवाई करत राहुल तुकाराम गायकवाड वय 23 वर्ष यांच्यावर एनडीपीएस अंतर्गत गुन्हा दाखल करत आरोपीस अटक केली आहे. सदर कारवाईत सपोनि अक्षय सोनवणे यांनी सुमारे नऊ लाख नऊ हजार रुपयांचा मुद्देमाल हस्तगत केला.
सदर घटनेची सविस्तर कारवाई उपविभागीय अधिकारी गणेश केंद्रे यांच्या मार्गदर्शनाखाली दहिवडी पोलीस ठाण्याचे सपोनी अक्षय सोनवणे संजय केंगले, प्रकाश हांगे, नीलम रासकर आदि पोलिसांनी कारवाई केली. यावेळी सरकारी पंच म्हणून नायब तसिलदार इतर, मंडल अधिकारी खेडेकर, तलाठी योगेश अभंग, इ. काम पाहिले.
विशाल गुरव
