महाबळेश्वर : सातारा जिल्ह्यातील महाबळेश्वर तालुक्यातील कोयना,सोळशी, कांदाटी या भागातील शिवसैनिक आणि नागरिकांनी महाराष्ट्राचे मुख्यमंत्री एकनाथ शिंदे यांना पाठिंबा दिलाय.मुख्यमंत्री एकनाथ शिंदे यांचे वडील संभाजी शिंदे आणि त्यांचे बंधू ठाण्याचे नगरसेवक प्रकाश शिंदे यांच्या उपस्थितीत एकनाथ शिंदेंनी घेतलेल्या भूमिकेला पाठिंबा दिला आहे. मुख्यमंत्र्यांचे आजोळ असलेल्या अहिर या गावी पाठिंबा देण्यासाठी शेकडो जणांची उपस्थिती होती.. वडील आणि बंधू यांचा गावकऱ्यांनी सत्कार करत शिंदे गटात प्रवेश केलाय.. महाबळेश्वर तालुक्यातील दुर्गम कोयना विभागाचे सुपुत्र पहिल्यांदा मुख्यमंत्री झाल्याने या भागात आनंदाचे वातावरण निर्माण झाले आहे.. एकनाथ शिंदेंना आणि शिंदे गटाला सर्व कोयना विभागातील नागरिकांचा पाठिंबा असून सामान्य कुटूंबातील मुलगा मुख्यमंत्री झाल्याने कोयना विभागातील नागरिकांच्यात उत्साहाचे वातावरण पसरले आहे.कोयना विभागात मुख्यमंत्री एकनाथ शिंदे यांनी विकासकामांना चालना द्यावी. रोजगार, आरोग्य,पर्यटन त्याचबरोबर अनेक विकासकामे व्हावेत.अशी मागणी परिसरातील ग्रामस्थांनी केलीये...
#sataranews
#sataranewslive
#cmomaharashtra\
#satarazilhaparishad
#cmeknathshinde
#meeknathshinde
लहू चव्हाण 
