सातारा  : सातारा जिल्हा पोलिस दलातील सात अधिकाऱ्यांच्या जिल्ह्याबाहेर बदल्या झाल्या असून त्यांच्या जागी नव्या अधिकाऱ्यांची नियुक्ती झाली आहे.

लोणंद पोलिस ठाण्यातील सहाय्यक पोलिस निरीक्षक विशाल वायकर यांची सोलापूर ग्रामीण येथे बदली झाली आहे. सहाय्यक पोलिस निरीक्षक शिवाजी भोसले यांची पुणे ग्रामीण येथे बदली झाली आहे. सहाय्यक पोलिस निरीक्षक धोंडिराम वाळवेकर यांना एक वर्ष मुदतवाढ देण्यात आली आहे. सहाय्यक पोलिस निरीक्षक गणेश कड यांची सोलापूर ग्रामीण येथे बदली झाली आहे. सहाय्यक पोलिस निरीक्षक संदीप शितोळे यांची सांगली येथे तर अमोल माने यांची सोलापूर ग्रामीण येथे बदली झाली. सहाय्यक पोलिस निरीक्षक आशिष कांबळे, प्रशांत बधे यांचीही सोलापूर ग्रामीण येथे बदली झाली. सहाय्यक पोलिस निरीक्षक अमीत बाबर यांना एक वर्ष मुदतवा देण्यात आली.

या अधिकाऱ्यांच्या जागी सोलापूर ग्रामीण येथून सपोनि प्रशांत हुले, सपोनि आदिनाथ खरात, सपोनि निलेश तारु, सपोनि शंकरराव ओलेकर, सपोनि प्रकाश भुजबळ, सपोनि शिवाजी जायपत्रे तर सांगली येथील सपोनि जयश्री वाघमोडे, सपोनि प्रियांका बाबर यांची सातारा येथे बदली झाली आहे.