देशमुखनगर: नुकत्याच पार पडलेल्या वर्णे विकास सेवा सोसायटी पंचवार्षिक निवडणुकीत स्वर्गीय जयसिंग गुरुजींच्या भैरवनाथ पॅनलचे सर्व उमेदवार भरघोस मताधिक्याने निवडून आले.
तत्पूर्वी नागरिकांचा मागास प्रवर्ग मतदार संघातून एक उमेदवार बिनविरोध निवडून विजयाचा शुभारंभ केला .

शेतकरी सभासदांचे हित लक्षात घेता गट तट बाजूला ठेवून ,सर्वपक्षीय व समविचारी कार्यकर्त्यांना एकत्र घेऊन मूळ भैरवनाथ पॅनलची चाळीस वर्षाची असलेली अपराजित परंपरा कायम ठेवत ज्येष्ठांचे मार्गदर्शन व तरुणांच्या परिश्रमावर वर्णे विकास सेवा सोसायटीचा अभेद्य गड  राखण्यात भैरवनाथ पॅनल यशस्वी  झाले .
निवडणुकीला सामोरे जात असता सभासदांसमोर ठेवलेला जाहीरनामा व संस्थेचा आज अखेर केलेला कारभार यावर जनतेने विश्वास ठेवून मतपेटीच्या माध्यमातून विरोधकांचा धुव्वा उडवला . या निवडणुकीत सर्वसाधारण मतदारसंघातून किशोर पवार, किरण पवार , युवराज पवार ,
नितीन जाधव , शिवाजी पवार, अभिजीत पवार , काशिनाथ सपकाळ, रणजीत पवार तर
महिला राखीव मतदार संघातून अर्चना पवार , उषा पवार  व 
नागरिकांचा मागास प्रवर्ग मतदार संघातून सदाशिव कुंभार , अनुसूचित जाती मतदारसंघातून भीमराव धसके ,
भटक्या विमुक्त मतदार संघातून दत्तात्रय मदने भरघोस मतांनी निवडून आले .
सदर निवडणूक प्रक्रिया निवडणूक निर्णय अधिकारी नितीन सूपेकर यांनी चोख पार पाडली.
नवनिर्वाचित सर्व उमेदवारांवर सर्व स्तरावरून शुभेच्छांचा वर्षाव होत आहे .