मांढरदेव : मांढरदेव देवस्थान ट्रस्टने देवस्थान परिसरातील दुकाने Mtdc प्रकल्पात स्थलांतर करणेबाबत नोटीस बजावली आहे. परंतू स्थानिक दुकानदार आणि भाविक यांचावतीने स्थलांतरला विरोध करण्यात येत आहे. त्याठिकाणहून  दुकाने हटवल्यास ५००० लोकांच्या उपजीविकेवर नकारात्मक परिणाम होईल. तसेच प्रकल्प मुख्य मंदीरापासुन १.५ ते २ किमी लांब आहे. स्थलांतर केल्यानंतर भाविकांना सुलभ आणि सुरक्षित दर्शन होणार नाही. सदरील Mtdc प्रकल्प भौगोलिक दृष्ट्या चुकीच्या ठिकाणी बांधलेला आहे. तसेच भौगोलिकदृष्ट्या धोकादायक आहे. प्रकल्पाच्या ठिकाणची मृदा भुसभुशीत स्वरुपाची आहे आणि सद्यस्थितीत प्रकल्प एका बाजूने खचला आहे. त्याठिकाणी पाण्याचा मोठ्या प्रमाणावर निचरा होत असल्याने भविष्यात याठिकाणी दुर्घटनेना होऊ शकतात. मांढरदेव  देवस्थानच्या नोटीसमध्ये २००४ साली झालेल्या दुर्घटनेला दुकानदारांना जबाबदार धरले आहे.‌ परंतू राजन कोचर आयोगानुसार दुर्घटनेला पूर्णपणे मांढरदेव देवस्थान ट्रस्ट आणि वीज मंडळ जबाबदार आहे. या नोटीसमध्ये कोचर आयोगाच्या शिफारशींचा विपर्यास केला आहे. या स्थलांतराविरोधात ग्रामसभेने विशेष ठराव घेत स्थलांतराला विरोध केला असताना देखील पुन्हा नोटीसा मांढरदेव देवस्थान ट्रस्टने दुकानदारांना पाठवल्या आहेत. हि बाब ग्रामपंचायतीच्या हक्कांचे हनन‌ करत आहे. मांढरदेव देवस्थान ट्रस्टने दुकानाचे स्थलांतर तात्काळ  थांबवावे‌. अन्यथा मोठ्या प्रमाणात तीव्र आंदोलन करण्याचा इशारा स्थानिक दुकानदार , ग्रामस्थ तसेच भाविकांनी दिला आहे.