सातारा  : लाल बहादूर शास्त्री महाविद्यालय हे सातारा शहरातील एक नामांकित महाविद्यालय असून या महाविद्यालयाने अनेक खेळामध्ये राष्ट्रीय,आंतरराष्ट्रिय स्पर्धेत उत्तुंग भरारी मारली आहे. खेळाची  परंपरा कायम राखत आर्चरी खेळामध्ये राष्ट्रीय स्पर्धेत तीन सुवर्णपदक मिळविले आहेत. दिनांक आठ ते 11 डिसेंबर २०२३ रोजी नाडियाड गुजरात येथे पार पडल्या या स्पर्धेमध्ये कंपाउंड राउंड प्रकारात प्रांजल वाईकर यांनी सांघिक सुवर्णपदक व इंडियन राउंड प्रकाश स्वराज जंगम यांनी सुवर्णपदक मिळविले . लाल बहादूर शास्त्री महाविद्यालयातील कु. आदिती स्वामी ,कु . प्रांजल वाईकर, स्वराज जंगम यांनी राष्ट्रीय स्पर्धेत गोल्ड मेडल मिळवून एलबीएस कॉलेजने महाराष्ट्राच्या शिरपेचात मानाचा तुरा रोवला गेला आहे. या खेळाडूंना महाविद्यालयाचे प्राचार्य डॉ. आर. व्ही . शेजवळ यांचे मोलाचे मार्गदर्शन व सहकार्य लाभले. प्रा. मेजर मोहन वीरकर डॉ. विकास जाधव , प्रा शिरीष ननावरे व श्री प्रवीण सावंत, शिवशंकर चोराटे यांचे मार्गदर्शन लाभले या खेळाडूंचे महाविद्यालयातील सर्व प्राध्यापक यांनी अभिनंदन केले.

श्री स्वामी विवेकानंद शिक्षण संस्थेचे कार्याध्यक्ष मा.अभयकुमार साळुंखे, सचिव प्राचार्या मा. सौ. शुभांगी गावडे व संस्थेचे मुख्य कार्यकारी अधिकारी मा.श्री कौस्तुभ गावडे, महाविद्यालयाचे उपप्राचार्य डॉ. अशोक तवर, ज्यु. विभाग प्रमुख सौ. व्ही.एस.शिंदे व प्रा.सुनील शिंदे तसेच सर्व प्राध्यापक बंधू भगिनी,शिक्षकेत्तर कर्मचारी, विद्यार्थी, विद्यार्थिनी या  सर्वांनी सर्व खेळाडूच्या उत्तुंग यशासाठी  अभिनंदन केले व पुढील वाटचालीसाठी शुभेच्छा दिल्या.