सातारा : सातारा तालुक्यात केळवली धबधबा या ठिकाणी एक युवक बुडाल्याची धक्कादायक घटना घडली आहे. राहुल सुभाष माने हा युवक साताऱ्यातील विकास नगर या ठिकाणी राहणारा असून तो त्याच्या अन्य तीन मित्रांसह केळवली धबधबा या ठिकाणी शुक्रवारी सायंकाळी पर्यटनासाठी गेला होता. मित्रांसोबत धबधब्यात पोहोच असताना पाण्याचा अंदाज न आल्याने हा युवक बुडाला. त्याला वाचवण्यासाठी त्याच्या सहकार्याने पाण्यामध्ये उडी मारून त्याला वाचवण्याचा प्रयत्न केला. मात्र यश न आल्याने राहुल माने हा बुडाला आहे. दरम्यान, काल शुक्रवारी सायंकाळी सहाच्या सुमारास ही घटना घडली असून सातारा तालुका पोलीस स्टेशनचे पोलीस कर्मचारी घटनास्थळी दाखल झाले आहेत. बुडालेल्या राहुल मानेला शोधण्यासाठी ग्रामस्थ पोलीस आणि रेस्क्यू टीम कसोशीने प्रयत्न करत आहे. या घटनेने पर्यटन स्थळांवर पुन्हा एकदा सुरक्षा रक्षक आणि सुरक्षेचा अभाव दिसून येत आहे. वनविभाग आणि जिल्हा पोलिसांनी सातारा जिल्ह्यातील पर्यटन स्थळावर ग्रस्त वाढवण्याची मागणी देखील आता जोर धरू लागली.