सातारा : कीर्तनकार ह.भ. प.बंडातात्या कराडकर यांना पॅरालिसिसचा सौम्यअटॅक आला असून दीनानाथ मंगेशकर हॉस्पिटल पुणे येथे पुढील उपचार व तपासणी साठी त्यांना हलवण्यात आले असून त्यांची प्रकृती सध्या स्थिर असल्याची माहिती त्यांच्यावर उपचार करणारे डॉक्टर जे.टी.पोळ यांनी दिली.
  ह भ प बंडातात्या कराडकर परवा रात्री पिंपरद येथील कार्यालयात मुक्काम साठी होते .काल सकाळी सात वाजता त्यांना अस्वस्थ वाटू लागल्याने फलटण येथील तर जे टी पोळ यांच्या निकोप हॉस्पिटलमध्ये त्यांना हलवण्यात आले .त्यांना पॅरालिसिसचा सौम्य अटॅक आला होता. ब्लड प्रेशर व शुगर वाढली होती. डॉक्टर पोळ व त्यांच्या टीमने सर्व तपासण्या करून औषध उपचार केले. काल दिवसभर व रात्री डॉक्टरांच्या देखरेखेखालीच ते होते. आज सकाळी मेंदूच्यारक्तवाहिन्यांची तपासणी (डी एस ए) साठी त्यांना पुण्याला हलवण्यात आले असून त्यांना दिनानाथ मंगेशकर हॉस्पिटलमध्ये नेमण्यात येणार असल्याचे समजते.त्यांची प्रकृती स्थिर आहे काळजी करण्याचे काही कारण नाही असे त्यांच्यावर उपचार करणाऱ्या डॉक्टर जे.टी.पोळ यांनी सांगितले.