सैदापूरच्या बिल्डरची ५० लाखांची फसवणूक

सातारा  : सातारा शहरातील राधिका रोड येथे एम. के. फायनान्सचे कार्यालय आहे. या कार्यालयात सैदापूर (ता. कराड) येथील बिल्डरची तब्बल ५० लाख रुपयांची फसवणूक करण्यात आली असून त्याप्रकरणी शाहुपुरी पोलीस ठाण्यात तीन जणांवर गुन्हा दाखल करण्यात आलेला आहे. नरेंद्र चंद्रकांत जाधव, सोनाली नरेंद्र जाधव (दोघे रा. गडकर आळी), महेश रामचंद्र यादव (रा. विद्यानगर सैदापुर, ता. कराड) अशी गुन्हा दाखल झालेल्या तिघांची नावे आहेत. पोलिसांनी दिलेली माहिती अशी, सैदापूर येथील बांधकाम व्यावसायिक तथा बिल्डर किरण अधिकराव जाधव यांनी दिलेल्या फिर्यादीनुसार त्यांना इथेनॉलची कंपनी काढायची होती. त्याकरता ते फायनान्सकडून कर्ज मिळते काय याचा शोध घेत होते. तेव्हा त्यांना साताऱ्यातील एम. के. फायनान्स या कार्यालयात कर्ज मिळेल असे सांगण्यात आले. त्यावरुन त्यांनी जून २०२१ मध्ये राधिका रोडवर असलेल्या या कार्यालयात संपर्क साधला. या कार्यालयातील नरेंद्र जाधव, सोनाली जाधव यांनी व त्यांच्यासोबतच महेश यादव यांनी कंपनी काढण्यासाठी वेगवेगळ्या स्वरुपात पैशांची मागणी केली.

त्या त्या वेळी तब्बल ५० लाख रुपये त्यांना दिले.
५० लाख रुपये घेवून ही त्यांनी कर्ज दिले नाही. त्यावरुन तिघांच्यावर शाहुपूरी पोलिस ठाण्यात गुन्हा दाखल करण्यात आला आहे. तिघांना अद्याप अटक करण्यात आली नाही.उपनिरिक्षक मुल्ला हे तपास करत आहेत.

आम्हाला जोडण्यासाठी

संबंधित बातम्या

सुयोग डेव्हलपर्स
छ.शिवाजी महाराज यांच्या वरील आक्षेपार्ह पोस्ट प्रकरणातील खरा दोषी पोलिसांकडून गजाआड
सातारा चे नाव पुन्हा एकदा सात समुद्रपार
चाऱ्याचे पैसे परत मागितल्याच्या रागातून महिलेला भर चौकात मारहाण
ठोसेघर धबधबा फेसाळला
मुख्यमंत्री पदी एकनाथ शिंदे यांची घोषणा होताच गोव्यात बंडखोर आमदारांचा नाचीन आनंद व्यक्त