दहिवडी : सातारा जिल्हा परिषद यांच्या मार्गदर्शनाखाली पंचायत समिती माण व प्राथमिक शिक्षण विभाग यांच्या संयुक्त विद्यमाने स्वातंत्र्याच्या अमृतमहोत्सवानिमित्त सांस्कृतिक कार्यक्रमात देशभक्तीपर गीतांवर नृत्याविष्कार स्पर्धांचे आयोजन करण्यात आले होते. तालुक्यातील सर्व केंद्रातील प्राथमिक शाळांतील बालकलाकारांनी सहभाग नोंदवताना अप्रतिम नृत्याविष्कार सादर केले.
यावेळी लहान गटात तोंडले केंद्राच्या प्राथमिक शाळा दरावस्ती या शाळेने पटकावला. द्वितीय क्रमांकावर गोंदवले केंद्राच्या प्राथमिक शाळा नरवणे या शाळेने मोहर उमटवली, तर पिंपरी केंद्राच्या प्राथमिक शाळा पळशी या शाळेला तृतीय क्रमांक मिळाला.
मोठ्या गटात म्हसवड केंद्राच्या प्राथमिक शाळा म्हसवड नं.३ने प्रथम क्रमांक पटकावल.वरकुटे मलवडी केंद्राच्या बनगरवाडीच्या प्राथमिक शाळेने द्वितीय क्रमांक पटकावला तर वडजल केंद्राच्या ढाकणी प्राथमिक शाळेने तृतीय क्रमांक पटकावला. यावेळी उपस्थित मान्यवरांनी सर्व यशस्वी केंद्र, प्राथमिक शाळा, आणि कला सादर करणाऱ्या बालकलाकारांचे प्रशस्तीपत्रक व ट्रॉफी वितरित करून अभिनंदन केले.
यावेळी माण पं.स.चे गटविकास अधिकारी सर्जेराव पाटील,गटशिक्षणाधिकारी माणिक राऊत, शिक्षण विस्तारअधिकारी गंबरे साहेब,लक्ष्मण पिसे,सोनाली विभूते, तर सर्व केंद्रांचे केंद्रप्रमुख व सर्व प्राथमिक शाळांचे मुख्याध्यापक आणि शिक्षक उपस्थित होते.
एकनाथ वाघमोडे
