गोडोली ; आसनगावच्या पंचक्रोशी विद्यालयात १९९९-२०००च्या इयत्ता १० वी च्या माजी विद्यार्थ्यांचा "आठवणीतील साठवणी" स्नेहमेळावा संपन्न झाला.यावेळी उपस्थित ७० हून अधिक विद्यार्थ्यांनी आपली शाळेतील विद्यार्थ्यांना स्पर्धेच्या युगात सक्षम करण्यासाठी डिजिटल स्कूल करण्यासाठी आवश्यक साहित्य भेट देऊन शाळेच्या खराब पत्रा लवकरच नवीन टाकण्यासाठी निधी संकलन करण्यास सुरुवात केली आहे. 

आसनगाव परिसरातील आयुष्याच्या पाया भक्कम करणाऱ्या पंचक्रोशी विद्यालयातील१९९९-२०००च्या १०च्या बॅचच्या माजी विद्यार्थ्यांनी स्नेहमेळावा आयोजित केला होता.तब्बल २० वर्षांनी वर्ग मित्रांची भेट होणार असल्याने देशभरात विखुरलेले सर्व जण यावेळी आवर्जून उपस्थित होते.त्यात दुर्दैवाने निधन झालेल्या  वैभव गायकवाड, सुनिल यादव, धोंडीराम गायकवाड, आशा चव्हाण यांची उणीव भासली. त्यांना श्रद्धांजली अर्पण करण्यात आली.यावेळी बॅचमधील भारतीय सैन्य दलात कर्तत्वाची मोहर उमटवणाऱ्या दिनकर काकडे, विशाल पवार, कुंडलीत पन्हाळे यांचा सन्मान केला.

 यावेळी अध्यक्षस्थानी शिवाजीराव पवार यांच्यासह सरपंच मनोज गायकवाड, शाळेचे पहिले मुख्याध्यापक दादासाहेब साळुंखे, मुख्याध्यापक काशिद , शिक्षक संजय पाटील, सुरेश निकम, रविंद्र बर्गे, कल्याणराव भोसले, रविंद्र यादव आदी मान्यवर उपस्थित होते. स्वागत मुख्याध्यापक प्रमोद काशिद , सुत्रसंचलन विक्रम मोरे, लता यादव यांनी केले.