सातारा : जिल्हा शासकीय रुग्णालय हे गोरगरिबांचं आरोग्याचे महत्त्वाचे स्त्रोत आहे .गोरगरीब रुग्णांना प्रायव्हेट मध्ये सिटीस्कॅन करणे करणे खूप खर्चिक असते त्यामुळे गेली सात महिने बंद असणारे सिटीस्कॅन मशीन नूतन जिल्हा शल्यचिकित्सक डॉ युवराज करपे यांनी वैद्यकीय महाविद्यालयाचे वैद्यकीय अधिष्ठता डॉ रवींद्रनाथ चव्हाण यांच्याशी समन्वय साधून वरिष्ठ पातळीवर पाठपुरावा केल्याने दिनांक 15 ऑगस्ट पासून सिटीस्कॅन मशीन पुन्हा एकदा नव्याने सुरू झाले . याचा गरजू आणि गरीब रुग्णांनी फायदा घ्यावा तसेच ज्या रुग्णांना डॉक्टरच्या सल्ल्याने सिटीस्कॅन काढायला सांगितलेले आहे अशाच रुग्णांनी सिटीस्कॅन साठी आग्रह धरावा कारण सिटीस्कॅन करणे रेडिएशन मुळे धोका होऊ शकतो त्यामुळे प्रत्येकाने सिटीस्कॅन साठी आग्रह धरू नये असे आव्हाहन जिल्हा शल्य चिकित्सक यांनी केलेले आहे . डॉक्टर युवराज करपे यांनी केले आहे . जिल्हा रुग्णालयाची सूत्रे हातात घेतल्यापासून अनेक रुग्णाच्या संबंधित योजना आणि सेवा साठी नेहमी अग्रक्रम दिलेला आहे. रुग्णालयातील स्वच्छतेवर जास्त भर दिला,बंद पडलेली वैद्यकीय उपकरणे पुन्हा कार्यान्वित केली. मुख्यमंत्री निधी सारख्या योजनेसाठी सहज सेवा उपलब्ध व्हावी म्हणून प्रत्येक तालुक्यातील ग्रामीण रुग्णालय आणि उपजिल्हा रुग्णालय च्या वैद्यकीय अधीक्षकांना विशेष अधिकार देऊन रुग्णाचे नातेवाईक व रुग्ण यांची हेळसांड थांबवली आहे.