सातारा :  दिनांक १६ ऑक्टों रोजी जि.प. यशवंतराव चव्हाण सभागृहामध्ये दिव्यांग विभागाचे अध्यक्ष मा. बच्चुभाऊ कडू यांच्या उपस्थितीत दिव्यांगाचा मेळावा घेण्यात आला होता. त्या कार्यक्रमांमध्ये जि.प. समाज कल्याण अधिकारी घोळवे यांना तत्काळ निलंबित करण्याच्या घोषणा दिव्यांगांकडून सभागृहात देण्यात आल्या...
         साहेब ह्या महिला अधिकारी जेव्हापासून सातारा जि.प. मध्ये कामावर रुजू झाले आहेत तेव्हापासूनच समाज कल्याण विभागामध्ये भ्रष्टाचाराचा एक प्रकारे नवीन पायंडाच ह्यांनी पाडला असं म्हणायला काही हरकत नाही. शासनाने अपंग शाळांना सातवा वेतन आयोग लावला खरं पण प्रत्येक कर्मचाऱ्याकडून दहा हजार रुपये घेऊनच, त्यामध्ये काही चांगल्या शाळांनी पैसे दिले नाहीत म्हणून आजही त्यांना जाणीवपूर्वक त्रास दिला जातो, अनेक अपंग-मूकबधिर शाळांना परवाने नूतनीकरण करण्याचे शासनाचे आदेश आहेत मात्र काही शाळांनी पैसे न दिल्यामुळे अजूनही त्यांच्या फाईल आयुक्त कार्यालयाकडे पाठवल्या नाहीत ही सर्वात मोठी शोकांकिता आहे. मागासवर्गीय समाजाकरिता १५% रक्कम खर्च करण्याचे शासनाचे आदेश असतानाही ही रक्कम खर्च केली जात नाही मात्र कागदोपत्री ज्या लाभार्थ्यांवर या योजनेचा खर्च दाखवला आहे त्याची सुद्धा चौकशी करावी.अशी मागणी रयतराज संघटनेचे संदीपभाऊ शिंदे यांनी केली 
       साहेब ह्या भ्रष्टाचारी भगिनीला तत्काळ सक्तीच्या रजेवर पाठवून त्यांचं ताबडतोप निलंबन करावे व त्यांच्या संपूर्ण गैरकारभाराची चौकशी लावावी अन्यथा दिव्यांग कर्मचारी-शिक्षक व रयतराज संघटनेच्या महिला आघाडीच्या वतीने जिल्हा परिषद समाज कल्याण विभागात टाळे ठोक आंदोलन करण्यात येईल.आसा इशारा संदीपभाऊ शिंदे यांनी या वेळी दिला या वेळी खेड ग्रामपंचायत सदस्य स्वप्निल लोखंडे, संतोष शिंदे, उदय शिंदे, विपुल कारंडे सुशांत खंडाळे,सहील कदम,यश घनवट,सागर गव्हाळे,रोहित शिंदे उपस्थित होते.