सातारा : संबोधी प्रतिष्ठानच्यावतीने रयत शिक्षण संस्थेचे ऑडिटर प्राचार्य डॉ. शिवलिंग मेनकुदळे व सातारा जिल्हा अधीक्षक (कृषी अधिकारी) भाग्यश्री फरांदे यांच्या हस्ते सातारा शहरातील शाळां-महाविद्यालयांतील इ.१० वी व १२ वीमधील सर्व प्रवर्गातील सुमारे शंभर गुणवंत विद्यार्थ्यांचा गौरव समारंभ रविवारी दि.२० रोजी रोजी सकाळी ११ वाजता नगरवाचनालयाच्या पाठक हाॅलमध्ये होणार आहे.
विद्यार्थ्यांना भावी आयुष्यातील उज्वल वाटचालीसाठी करिअरच्या संधीबाबत मार्गदर्शन व प्रेरणा देण्यासाठी संबोधी प्रतिष्ठानच्यावतीने गेल्या अकरा वर्षांपासून हा उपक्रम राबविण्यात येत आहे.अशी माहीती अध्यक्ष दिनकर झिंब्रे व उपाध्यक्ष रमेश इंजे यांनी दिली.
यावर्षी, गुणवंत विद्यार्थ्यांना भारतीय संविधान तसेच गैरसमजाच्या प्रदेशात हे पुस्तक व स्मृतिचिन्ह देऊन गौरविण्यात येणार आहे.तेव्हा सदरच्या समारंभास उपस्थित रहावे.असे आवाहन प्रतिष्ठानच्यावतीने कार्यवाह ॲड.हौसेराव धुमाळ यांनी केले आहे.
प्रकाश शिंदे 
