सातारा : अरुणाचल प्रदेश ( इरानगर ) येथे झालेल्या राष्ट्रीय बॉक्सिंग स्पर्धा 9 ते 14 जुलै 2023 रोजी पार पडल्या या स्पर्धा बॉक्सिंग फेडरेशन ऑफ इंडिया यांच्यामार्फत घेण्यात आल्या होत्या या स्पर्धेमध्ये लाल बहादूर शास्त्री महाविद्यालयातील दोन खेळाडू सैफअली झारी व श्रीराज शिंदे यांची महाराष्ट्रातून निवड झाली होती त्यामध्ये सैफअली याला ब्रांझ मेडल व श्रीराज शिंदे याने राष्ट्रीय स्पर्धेत सहभाग नोंदवला आहे. हे दोन्ही खेळाडू 11 वी सायन्स मध्ये शिकत आहेत.  या दोन्ही खेळाडूंचा महाविद्यालयाचे प्राचार्य डॉ. आर व्ही शेजवळ महाविद्यालयाचे माजी  विद्यार्थी व आय. क्यू. एस. प्रतिनिधी श्री अविनाश कदम यांच्या हस्ते सत्कार करण्यात आला.  सैफअली झारी व श्रीराज शिंदे यांना आंतरराष्ट्रीय कोच सागर जगताप यांनी प्रशिक्षण दिले आहे. महाविद्यालयाचे जिमखाना प्रमुख प्रा. मेजर मोहन विरकर, प्रा. डॉ विकास जाधव, प्रा शिरीष ननावरे यांचे मार्गदर्शन लाभले या स्पर्धेसाठी संपूर्ण भारतातून प्रत्येक गटात 25 खेळाडू सहभागी झाले होते. सत्कार प्रसंगी महाविद्यालयातील उपप्राचार्य डॉ अशोक तंवर, सौ वर्षा शिंदे प्रा सुनील शिंदे व सर्व प्राध्यापक व खेळाडूंचे आई  शाहीन आणि  वडील  साजिद  हजर होते या खेळाडूंना प्राचार्य डॉ आर. व्ही. शेजवळ व प्राध्यापकांनी कौतुक केले व पुढील स्पर्धेसाठी शुभेच्छा दिल्या.
त्यांच्या या उत्तुंग यशासाठी श्री स्वामी विवेकानंद शिक्षण संस्थेचे कार्याध्यक्ष मा.अभयकुमार साळुंखे, सचिव मा.सौ. शुभांगी गावडे व संस्थेचे मुख्य कार्यकारी अधिकारी मा.श्री कौस्तुभ गावडे यांनी अभिनंदन केले व पुढील वाटचालीसाठी शुभेच्छा दिल्या.