फलटण.: फलटण शहरात सर्व सामाजिक क्षेत्रात सदैव अग्रेसर असणारे आणि महाराष्ट्राचे लाडके नेते माननीय शरदचंद्रजी पवार यांचे निष्ठावंत कार्यकर्ते आणि सदैव पवार साहेबांच्या बद्दल आदर व्यक्त करणारे माननीय नंदकुमार जी मोरे यांचे आज सकाळी सात वाजता हृदयविकाराच्या झटक्याने आकस्मिक निधन झाले. 

आणि फलटण शहरात  सर्वत्र शोक कळा पसरली. 17 जुलै रोजी आलेल्या संत श्रेष्ठ ज्ञानेश्वर माऊलींच्या पालखी सोहळ्यात सर्वत्र असणाऱ्या विविध मंडळाच्या कार्यक्रमात उत्स्फूर्तपणे सहभाग घेऊन युवकांना प्रबोधन पण केले होते. सर्व सामाजिक क्षेत्रातील राजकीय क्षेत्रातील व्यक्तींनी त्यांच्या पार्थिवाचे अंत्यदर्शन घेऊन भावपूर्ण श्रद्धांजली अर्पण केली आहे. अंत्यविधी आज दुपारनंतर वैकुंठ स्मशानभूमी फलटण येथे होणार आहे. 

माननीय नंदकुमार जी मोरे हे नेहमीच सर्व राजकीय सामाजिक क्षेत्रात आणि समाजाची जडणघडण सामाजिक सलोखा राजकीय सलोखा एकत्र राखण्याचा नेहमीच प्रयत्न करत होते. प्रत्येक विषयातील त्यांची सातत्यता आणि सखोल अभ्यास, सामाजिक क्षेत्रातील त्यांचे योगदान, पाहता फलटण शहरांमध्ये शोक कळा पसरली आहे. शहरामध्ये आणि तालुक्यामध्ये असणारा त्यांचा मित्रपरिवार प्रचंड संख्येने फलटण शहरात एकत्र येऊन भावपूर्ण श्रद्धांजली अर्पण करत आहे.

सातारा न्यूज च्या टीमशी सदैव आत्मीयतेने आणि संलग्न असणारे व्यक्तिमत्व या सामाजिक क्षेत्रात अग्रेसर असणाऱ्या व्यक्तिमत्त्वाला सातारा न्यूज टीमच्या वतीने भावपूर्ण श्रद्धांजली