सातारा  : सातारा लाचलुचपत प्रतिबंधक विभागाने 1 लाख रुपयांची लाच स्वीकारल्या प्रकरणी खासगी वकिलाला अटक केली आहे..जिल्हा न्यायालयातील विलास बाळकृष्ण कुलकर्णी असे खासगी वकिलांचे नाव असून खासगी वकिलाने 2 लाख रुपयांची मागणी करत 1 लाख रुपये स्वीकारताना रंगेहात पकडले आहे..

तक्रारदार हे स्वातंत्र्य संग्राम शिक्षण संस्थेचे अध्यक्ष असून संस्थेच्या वतीने सातारा दिवाणी न्यायालय यांच्या कोर्टात दाखल प्रोबेट अर्ज क्रमांक 16/ 2020 चा निकाल तक्रारदाराच्या बाजूने लावून घेण्याकरता लोकसेवकावर प्रभाव पाडून खाजगी वकील यांनी तक्रारदार यांच्याकडे 2 लाख रुपयांची लाच मागितली होती त्यापैकी 1 लाख रुपये लाच रक्कम स्वीकारताना रंगेहात ताब्यात घेण्यात आली आहे.. पोलीस उपअधीक्षक उज्वल वैद्य यांच्या मार्गदर्शनाखाली सापळा पथक तयार करून ही कारवाई करण्यात आली आहे.. या कारवाईमुळे जिल्हा न्यायालय खळबळ उडाली आहे.. खासगी वकीलावर झालेली आत्तापर्यंतची ही पहिलीच मोठी कारवाई असल्याचे बोलले जात आहे..
 भ्रष्टाचार प्रतिबंधक अधिनियम 1988 चे कलम 7 अन्वये वकील विलास कुलकर्णी यांच्यावर गुन्हा दाखल करण्याचे काम सुरू आहे..