जावली:  साताऱ्यातील शिवसागर जलाशयात जावली तालुक्यातील म्हावशी येथे मंगळवारी सायंकाळी 7 च्या सुमारास बेकायदेशीर टेंन्ट कॅंम्पिंग वर अनधिकृतरित्या चालविली जाणारी वॉटर स्कूटर बोट पलटी होऊन 27वर्षीय संकेत संग्राम काळे या पर्यटकाचा बुडून दुर्दैवी मृत्यू झाला आहे.शिवसागर जलाशयालगत असलेल्या एका टेंट कॅम्पिंग वर काही पर्यटक पर्यटनासाठी आले होते. त्यांनी मद्यप्राशन करून रात्री सातच्या सुमारास वॉटर स्कूटर बोटिंग करत असताना स्कूटर पलटी होऊन संकेत काळे या पर्यटकाचा बूडून दुर्दैवी मृत्यू झालाय.. त्याचा मृतदेह अद्याप सापडलेला नाही. पोलीस प्रशासन घटनास्थळी दाखल झाले असून महाबळेश्वर ट्रेकर्स यांच्या मार्फत आता शोधकार्य सुरू करण्यात आले असून युद्धपातळीवर शोधकार्य सुरू करण्यात आले आहे.. दरम्यान मद्यपान करून बोट चालवली कशी? हॉटेल मालकाला बोटिंगला परवानगी आहे का? पर्यटकांना बोट चालवण्यासाठी का देण्यात आली? असे अनेक सवाल उपस्थित केले जात असून हा प्रकार दाबण्याचा हॉटेल मालकाकडून प्रयत्न केला जात असल्याचे बोलले जात आहे..