दहिवडी : दहिवडीचे उपनगराध्यक्ष राजेंद्र साळुंखे यांनी नगरपंचायतीच्या कर्मचाऱ्यास ढकलून देत शिवीगाळ केल्याप्रकरणी दहिवडी पोलीस ठाण्यात त्यांच्यावर गुन्हा दाखल करण्यात आला आहे.
     बुधवार दि.२०/१२/२०२३ रोजी दुपारी दोन वाजण्याच्या सुमारास संदीप मोहन आवटे(रा.दहिवडी) हे  दहिवडी नगरपंचायती शेजारी पाणीपुरवठा, लाईटविभाग,घंटागाडी इत्यादी विभागाचे सार्वजनिक काम करत होते. त्यावेळी आवटे यांना ते काम करू न देता उपनगराध्यक्ष राजेंद्र साळुंखे यांनी अटकाव केला.त्याचबरोबर तुपेवाडीकडे जाणाऱ्या रस्त्याच्या आतमध्ये नगरपंचायतच्या लाईटची लाईन नसताना तु तेथे बल्ब का बसवला नाही? या कारणावरून राजेंद्र साळुंखे यांनी संदीप आवटे यांना ढकलून देऊन शिवीगाळ केल्याने माजी आयुक्त असलेल्या प्रभाकर देशमुखांना त्यांच्याच राष्ट्रवादीतील उपनगराध्यक्षांनी कर्मचाऱ्यास ढकलून देत शिवीगाळ करणे कितपत योग्य वाटते? अशी चर्चा दहिवडीत रंगली होती.याप्रकरणी त्यांनी दहिवडी पोलीस ठाण्यात तक्रार दाखल केली असून राजेंद्र साळुंखे यांच्यावर धक्काबुक्की व शिवीगाळ केल्याप्रकरणी गुन्हा नोंद करण्यात आला आहे.या प्रकरणाचा अधिक तपास सहायक पोलीस फौजदार श्री.खाडे करत आहेत.