भोसे : कराड येथील श्रीनिवास पाटील फाउंडेशनच्या वतीने देण्यात येणारा कृषीलक्ष्मी साताऱ्याची हा प्रगतशील महिला शेतकरी गुणगौरव पुरस्कार भोसे, तालुका महाबळेश्वर येथील महिला शेतकरी सौ. ज्योती अजय गोळे यांना जाहीर झाला आहे.
सौ. ज्योती गोळे ह्या महाबळेश्वर तालुक्यातील भोसे येथील रहिवासी असून संसाराचा गाडा हाकत सौ. ज्योती गोळे ह्या आपले कुटुंबासमवेत स्ट्रॉबेरी शेती करतात. त्यांनी शेतात स्ट्रॉबेरी बरोबरच कांदा, लसूण, कोबी, फ्लॉवर ही आंतरपिके घेतात. यामधून चांगले आर्थिक उत्पन्न घेतले आहे. स्ट्रॉबेरीचा पर्याय म्हणून या पारंपरिक पिकांवर गोळे व कुटुंबीयांनी भर दिला आहे. याचबरोबर सौ गोळे या गावच्या आपले पती अजय गोळे यांच्या सेलिब्रेशन केक या फर्म मध्येही हातभार लावतात. तर आपले स्वतःचे सेलिब्रेट ब्युटी पार्लरच्या माध्यमातून महिलांचे सौंदर्य फुलवण्याचे काम करीत आहेत. कुटुंबाच्या प्रत्येक व्यवसायात ते नेहमी सहभागी असतात. घर आणि शेती यांची सुंदर सांगड घालून ऐक वेगळी प्रतिमा त्यांनी निर्माण केली आहे.
या पुरस्काराबद्दल सौ. ज्योती गोळे यांचे सर्व स्तरातून अभिनंदन होत आहे.