कराड : पश्चिम आशियातील लेबेनॉन देशातील बैरूत या शहरात  चार ते नऊ सप्टेंबर या दरम्यान आशियाई कॅडेट तायक्वांदो स्पर्धेत सातारा जिल्ह्यातील कराड तालुक्याची सुवर्णकन्या  हिला कांस्यपदक प्राप्त झाले. महाराष्ट्राला कॅडेट गटात प्रिशा शेट्टी ही  आंतरराष्ट्रीय पदक मिळवून देणारी  पहिली खेळाडू ठरली आहे. इयत्ता नववी मध्ये शिकणारी  प्रिशा शेट्टी  हिने सात वर्ष काटेकोरपणे अथक परिश्रम करून  हे उज्वल यश प्राप्त केले आहे.
      या याच्यामध्ये मोठे योगदान आहे प्रशिक्षक म्हणून  तिला लाभलेले  अक्षय खेतमर सर व नंदिनी खेतमर मॅडम यांचे . मुंबई विमानतळावरून  विविध ठिकाणच्या शुभेच्छा स्वीकारत  दुपारी दोनच्या दरम्यान तीच वाई येथील जोशी वीर मध्ये आगमन झाले .
        येथे तिचे स्वागत  ब्लॅक ड्रॅगन तायक्वांदो मार्शल आर्ट अकॅडमी महाराष्ट्र चे संस्थापक/अध्यक्ष विशाल आबासाहेब कुमठे,कामगार विकास बहुउद्देशीय सामजिक संस्था महाराष्ट्र 
बाळासाहेब हिरामण लगस (संस्थापक अध्यक्ष), राकेश लगस ( उपाध्यक्ष)
, स्वातीताई भोसले ( सचिव), प्राथमिक शिक्षिका अर्चना थोरवे, प्रियंका कचरे  या मान्यवरांनी  स्वागत केले. यावेळेस  तायक्वांदो  खेळाच्या वाई तालुक्यातील खेळाडू तनिष्का किरवे, वैष्णवी भोसले, मंजुषा गायकवाड, वैभवी भोसले, तनिष्का थोरवे, स्नेहल कचरे, आरोही भोसले, अनवित जगताप, नयन जगताप, रियांश खोपडे उपस्थित होत्या. जिद्द, चिकाटी, मेहनत, कठोर परिश्रमातील सातत्य, व प्रशिक्षकांची मिळालेले मौलिक मार्गदर्शन व कुटुंबीयांची साथ यामुळेच  हे खूप मोठे यश  मिळालं  असे यावेळी प्रिशा शेट्टी हिने  आवर्जून सांगितले. तिच्या या यशाबद्दल  सर्वच स्तरातून तिचे अभिनंदन होत आहे.