देशमुखनगर : सातारा तालुक्यातील बोरगाव पोलीस ठाण्याच्या हद्दीत चोरस गेलेली युनिकॉर्न मोटरसायकल तसेच आणखी चार दुचाक्या असा एकूण तीन लाख पंचावन्न हजार रुपये किमतीच्या मोटरसायकली बोरगाव पोलिसांनी चोरट्याकडून हस्तगत केल्या. याबाबत पोलिसांकडून मिळालेली माहिती अशी, माजगाव ता. सातारा या परिसरातील वरदराज पेट्रोल पंप येथून होंडा कंपनीची युनिकॉर्न क्रमांक एम एच ११ बी सी ५२६२ ही गाडी  चोरीस गेल्या बाबत पोलीस ठाण्यात गुन्हा दाखल झाला होता. याबाबत सहाय्यक पोलीस निरीक्षक रवींद्र तेलतुंबडे यांनी प्रकटीकरण शाखेला गुन्हा उघडकीस आणण्याबाबत सूचना दिल्या, या शाखेची अंमलदार पेट्रोलिंग करत असताना आंबेवाडी गावाजवळ होंडा कंपनीची विना नंबर प्लेट असलेली मोटरसायकल वरून संशयित जात असताना दिसले, त्यांच्याकडे चौकशी केली असता कागदपत्राच्या बाबत उडवा उडवीची उत्तरे देऊन लागल्याने त्यांना विश्वासात घेऊन अधिक चौकशी केल्याने, एका मित्राच्या सोबत ही मोटरसायकल माजगावच्या हद्दीत चोरली असून आणखी चार मोटरसायकली सातारा परिसरातून चोरून आंबेवाडी गावच्या मित्राच्या शेतात लपवून ठेवल्या आहेत, असे सांगितल्याने त्या शेडमध्ये चार मोटर्स सायकली मिळून आल्या, पंचनामा करून पाच मोटरसायकली जप्त केल्या. ही कारवाई पोलीस अधीक्षक समीर शेख, डॉक्टर वैशाली कडुकर, राजीव नवले, रवींद्र तेलतुंबडे यांच्या मार्गदर्शनाखाली प्रशांत चव्हाण, केतन जाधव, संजय जाधव, विशाल जाधव यांनी कारवाई केली. पुढील तपास दबडे करीत आहेत.