|| श्री स्वामी समर्थ ||

मेष : - व्यापारात उत्तम यश 

मेष राशीसाठी आजचा दिवस अतिशय उत्तम असून रोजगार आणि व्यापारात सुरू असलेल्या प्रयत्नांना मोठं यश मिळेल. मुलांकडून आनंदाची बातमी मिळणार आहे. दुपारनंतर एखाद्या कायदेशीर वादात विजय मिळाल्याने मनावरील मोठा भार हलका होईल. चांगल्या कामासाठी खर्च करणार आहात. समाजात तुमचा मानसन्मान वाढेल. 

 वृषभ : - आर्थिक चणचण कमी होईल

 वृषभ राशीच्या लोकांसाठी आजचा दिवस सुखद असेल. तुमच्या आजूबाजूला वातावरण आनंदी असेल. कुटुंबातील प्रत्येक सदस्य तुम्हाला मदत करेल. बऱ्याच दिवसांपासून सुरू असलेली आर्थिक चणचण आता संपणार आहे. पुरेसे पैसे हाती आल्याने तुम्ही आनंदी असाल. विरोधक पराभूत होतील आणि काहीच करु शकणार नाहीत. जवळच्या किंवा दूरच्या प्रवासाचे योग आहेत पण काही कारणाने प्रवास पुढे ढकलावा लागेल. 

 मिथुन : - वादविवादापासून दूर राहा 

आजचा दिवस फारसा अनुकूल नाही. तब्येत बिघडण्याची शक्यता आहे. तसेच अनावश्यक वादविवाद होण्याची शक्यता आहे. तुम्ही आज भांडणांपासून दूर राहण्याचा प्रयत्न करा. आज काही काळासाठी निराशा येण्याची शक्यता आहे. एखादी वाईट बातमी ऐकल्यामुळे कदाचीत अचानक प्रवास कराला लागेल. प्रवासात सावध राहा आणि सकारात्मक विचार करा. 

 कर्क - आजारपणामुळे खर्चात वाढ 

आजचा दिवस फारसा अनुकूल नाही, विशेष करू आज तब्येतीच्या बाबतीत काही आजार डोके वर काढतील. त्वरित डॉक्टरांचा सल्ला घ्या तसेच तपासणी करा. आजारी असतानाही तुम्हाला कामे करावी लागतील त्यामुळे तुम्ही काळजी घ्या. कामात आज फारसा फोकस होणार नाही पण जे काही काम कराल त्यात दुर्लक्ष करु नका.

 सिंह : - सरकारी कामे पटापट मार्गी लागतील

 आज तुम्ही भरपूर काम करणार आहात. तुमच्या कामाचा वेग पाहून विरोधक सुद्धा तुमची प्रशंसा करतील. सरकारी कामे आज पटापट मार्गी लागतील. सासरकडून धनलाभाचे योग आहेत. संध्याकाळी काही सामाजिक आणि सांस्कृतिक कार्यक्रमांत भाग घेण्याची संधी मिळेल. वेळेचा सदुपयोग करा, जे काम हाती घेतलं आहे त्याला महत्त्वानुसार मार्गी लावा.

 कन्या : - व्यवसायात डिल होणार

 आजचा दिवस समाधान आणि शांतीचा आहे. राजकीय क्षेत्रात केलेल्या प्रयत्नांना यश मिळेल. तुमचा सरकार आणि सत्तेमधील लोकांशी चांगला संबंध आहे त्यामुळे अनेक गोष्टी मार्गी लागतील. नवीन व्यावसायिक डिल होणार त्यामुळे पद आणि प्रतिष्ठा वाढेल. रात्रीच्या वेळी काही अशी लोकं भेटतील जी तुम्हाला अजिबात आवडत नाही. मुलांकडून काही चांगल्या बातम्या मिळतील.

 तूळ : - वस्तू हरविण्याची भीती, 

सावध राहा आज तुम्हाला अधिक सावध राहावे लागणार आहे कारण एखादी वस्तू हरवण्याची किंवा चोरी होण्याची भीती आहे. मुलांच्या शिक्षणासंदर्भात काही महत्त्वाचे निर्णय घेणार आहात. एखाद्या स्पर्धेमध्ये तुम्हाला उत्तम यश मिळेल. थांबलेले काम सायंकाळी पूर्ण होईल. रात्री कुटुंबासोबत एखाद्या मंगलकार्यात सहभागी होणार आहेत.

 वृश्चिक : - मानसन्मान, प्रतिष्ठा वाढणार 

आज तुमच्यासाठी उत्तम संपत्ती प्राप्तीचे योग आहेत. रोजगाराच्या क्षेत्रात प्रगती होईल. तसेच मानसन्मान, प्रतिष्ठा देखील वाढणार आहे. मुलांबद्दल असलेली जबाबदारी तुम्ही पूर्ण कराल. आज प्रवासाचा योग असून तुम्हाला त्याचा लाभ होईल. सायंकाळपासून ते रात्रीपर्यंत आवडीच्या लोकांच्या भेटी होतील त्यामुळे मानसिक समाधान मिळेल.

 धनु - थांबलेली कामे लवकर होतील 

धनु राशीसाठी आजचा दिवस संमिश्र असणार आहे. आज काही कारणांमुळे तुमच्या आयुष्यात कटूता असणार आहे, त्याला गोडव्यात बदलण्याची कला तुम्हाला शिकावी लागेल. प्रत्येक कामात जोडीदाराची मदत मिळेल त्यामुळे कामे मार्गी लागतील. मुलांकडून आज काही चांगली बातमी मिळणार नाही. थांबलेली कामे संध्याकाळपर्यंत सायंकाळी पूर्ण होतील. रात्रीचा वेळ मस्तपैकी घरातल्यांसोबत गप्पा मारण्यात जाणार आहे.

 मकर : - मिळकतीचे नवे मार्ग खुले होणार

 आजचा दिवस तुमच्यासाठी लाभदायक आहे. उत्पन्नाचे नवे मार्ग खुले होणार आहेत. तुमच्या बोलण्यात गोडवा असल्यामुळे तुमचा मान सन्मान वाढेल. शिक्षण आणि स्पर्धेच्या क्षेत्रात विशेष यश मिळेल. मात्र आज धावपळ होण्याची शक्यता आहे. डोळ्याचे आजार डोके वर काढतील, काळजी घ्या आणि तज्ज्ञाचा सल्ला घ्या. आज शत्रू किंवा विरोधक काहीच करु शकणार नाहीत. 

 कुंभ : - मौल्यवान वस्तू चोरी होण्याची शक्यता 

आजचा दिवसभर तुम्ही मुलांची काळजी करत राहणार आहात. मुलांची काही कामे करायची होती ती मार्गी लागतील. वैवाहिक जीवनातील अडचणी कमी होतील. माहेरच्या नातेवाईकांसोबत आर्थिक देवाणघेवाण करू नका, नातेसंबंध बिघडू शकतात. धार्मिक कार्यावर जास्त खर्च करणार आहात. प्रवास करताना सावध राहा कारण मौल्यवान वस्तूची चोरी होण्याची शक्यता आहे. 

 मीन : - आर्थिक बाबतीत यश 

आज कौटुंबिक आणि आर्थिक बाबतीत तुम्हाला यश मिळेल. कामाच्या बाबतीत सुरू असलेल्या प्रयत्न यशस्वी होतील. आज सहकारी तुमचा उदोउदो करतील तसेच कामाला प्रचंड हातभार लावतील. सायंकाळच्या वेळी कोणत्याही वादविवादात पडू नका. रात्री तुमच्या आवडीच्या पाहुण्याचे स्वागत करण्याचे योग बनत आहेत.