दहिवडी : बारामती मधील माणवासीय संघाचा वर्धापन दिन मोठ्या उत्साहात संपन्न झाला.
 या माणवासीय वर्धापन दिन सोहळ्यात माणवासीय भूषण पुरस्कार डॉ.जळक परिवारास माणदेशी फाउंडेशनच्या चेतना सिन्हा यांच्या हस्ते सामाजिक योगदानाबद्दल देण्यात आला.त्याचबरोबर यावेळी मानवासिया बांधवांच्या वतीने चैतन्य स्मरणिकेचे ही प्रकाशन यावेळी करण्यात आले. यावेळी बोलताना माणदेशी फाउंडेशनच्या चेतना सिन्हा यांनी या कार्यक्रमाचे कौतुक केले.
       शामराव राऊत अशोक देवकर बापूराव खाडे यांनी मनोगत व्यक्त केले.कार्यक्रमाच्या अध्यक्षस्थानी डॉ.अंजली खाडे या होत्या.हा कार्यक्रम यशस्वी करण्यासाठी पिंटू शेठ खाडे आप्पा भांडवले सागर खाडे गिरीश सूर्यवंशी मनोज देवकर अमोल बनसोडे अंकुश कदम शिवाजी बोराटे यांच्यासह इतर सदस्यांनी परिश्रम घेतले.कार्यक्रमाचे प्रास्ताविक उमेश पांढरे पाटील यांनी केले. सूत्रसंचालन स्वामीराज भिसे यांनी केले व आभार मनोज खाडे यांनी मानले.