वाई: शिवाजी विद्यापीठ, कोल्हापूर आयोजित सातारा झोनल बुद्धिबळ क्रीडा स्पर्धेत किसन वीर महाविद्यालयातील बी.सी.ए. भाग १ मधील कु. सानिका दिलीप मुंगस या विद्यार्थिनीने तृतीय क्रमांक मिळवून यश संपादन केले.
सदर स्पर्धा सावित्रीबाई फुले महिला महाविद्यालय, सातारा येथे संपन्न् झाली. सानिका मुंगसे व अविनाश चिकणे हे दोन विद्यार्थी संघ स्पर्धेत सहभागी झाले होते. लेफ्टनंट समिर पवार यांनी विद्यार्थ्यांना मार्गदर्शन केले.
या यशाबद्दल संस्थेचे अध्यक्ष मा. मदनदादा भोसले यांनी भुईंज पोलिस ठाण्याचे सहायक पोलिस निरीक्षक मा. आशिष कांबळे यांचे हस्ते सानिकाचे पुष्पगुच्छ देऊन अभिनंदन केले व पुढील वाटचालिसाठी शुभेच्छा दिल्या. शासकीय नोकरीमध्ये येण्यासाठी खेळाडूंना असणा-या संधीबाबत त्यांनी माहिती दिली.
संस्थेचे अध्यक्ष मा. मदनदादा भोसले यांनी आयुष्य जगताना खिलाडूवृत्तीने समस्यांकडे पाहिल्यास त्यातून मार्ग निघतो असे नमूद केले. याप्रसंगी सचिव डॉ. जयवंत चौधरी, प्राचार्य डॉ. गुरूनाथ फगरे, रोहिदासबापू पिसाळ यांची उपस्थिती होती.