सातारा : सातारा ते लोणंद रस्त्यावर असलेले वेण्णा नदीवरील वाढे गावाच्या हद्दीत तर कृष्णा नदीवरील वडूथ गावाच्या हद्दीत असलेले तब्बल १७६ वर्षांपूर्वीचे दगडी पूल हे वास्तूशास्त्राचे अलौकिक नमुने आहेत. या दोन्ही पुलावर प्रचंड खड्डे पडले असून त्याचा या पुलाच्या अस्तित्वाला धोका निर्माण झाला आहे. याबाबत बांधकाम विभाग, राजमार्ग प्राधिकरण, जिल्हाधिकारी आणि केंद्रीय रस्ते विकास महामंडळाकडे भाजपच्या युवा मोर्चाचे जिल्हा सचिव मदन साबळे यांनी अर्ज करून याच्या दुरुस्तीसाठी पाठपुरावा केला. अखेर केंद्रीय रस्ते विकास महामंडळा ने वाढे व वडूथ येथील पुलांची केली पाहणी मात्र कोणताच प्रतिसाद मिळाला नाही,या खड्ड्यांमुळे अनेक किरकोळ अपघात होत असल्याने अखेर मदन साबळे यांनी हातात टिकाऊ आणि खोरे घेऊन काही धोकादायक खड्डे भरले. मदन साबळे म्हणाले या रस्त्यावरून टोल वाचवण्यासाठी अवजड वाहने जात असल्यामुळे रस्त्याची मोठ्या प्रमाणात दुरावस्था होत आहे आणि मोठमोठे अपघात देखील होत आहेत आणि झालेले आहेत त्यामुळे अनेकांचे संसार उध्वस्त झालेले आहेत तरी या रस्त्यावरील अवजड वाहतूक कृपया बंद करावे असे अधिकाऱ्यांना सांगितले 

 केंद्रीय टिमने केली पाहणी वाढे आणि वडूथ येथील छत्रपती शहाजी महाराजांनी वास्तुशास्त्रातील अनमोल नमुना असणारे दगडी पूल तब्बल १७६ वर्षांपूर्वी बांधले आहेत. यात पुलाची वेळोवेळी योग्य देखभाल, दुरुस्ती न केल्याने आणि मोठी वर्दळ असणारी अवजड वाहतूक या पुलावरून होत असल्याने अस्तित्वाला धक्का बसू लागला आहे. याची थेट तक्रार केंद्रीय रस्ते विकास मंत्री नितीन गडकरी आणि केंद्रीय रस्ते ऐतिहासिक महामंडळाकडे मदन साबळे यांनी करुन त्याचा पाठपुरावा केला. याची दखल घेऊन या महामंडळाच्या टीमने शुक्रवार दि.४ ऑक्टोबर रोजी दिवसभर दोन्ही पुलांची सखोल पाहणी करून त्याचा अहवाल वरिष्ठ कार्यालयाकडे पाठविण्यात येणार आहे,असे अभियंता खताळ यांनी वडूथ,वाढे ग्रामस्थांना सांगितले.