भिलार : पुस्तकांचं गाव भिलार येथील हिलरेंज एज्युकेशन सोसायटीच्या संचालिका व कै. एम आर भिलारे हायस्कूल राजपुरीच्या मुख्याध्यापिका सौ.तेजस्विनी जतिन भिलारे यांना फ्रान्स येथील इकोल सुपरियर रोबोर्ट डी सोबर्न विद्यापीठातर्फे नुकतीच डॉक्टरेट पदवी बहाल करण्यात आली. विद्यापीठाच्या वार्षिक पदवीदान समारंभा दरम्यान सौ. भिलारे यांचा खास गौरव करण्यात आला. या पुरस्काराबद्दल त्यांचे शैक्षणिक व सामाजिक क्षेत्रातील मान्यवरांकडून अभिनंदन होतं आहे.

फ्रान्स येथील इकोल सुपरियर रोबोर्ट डी सोबर्न विद्यापीठाने हा पदवीदान समारंभ दिल्ली येथे आयोजित केला होता. या कार्यक्रमात विद्यापीठाचे चेअरमन थॉमस प्राडे यांचे हस्ते सौ. भिलारे यांनी ही पदवी स्वीकारली. यावेळी व्हाइस चेअरमन विवेक चौधरी, शिशिर अग्रवाल, बोनी कपूर, निरमल बन्सल, कार्तिकेय चव्हाण आदी मान्यवर उपस्थित होते.

सौ. तेजस्विनी भिलारे या महाबळेश्वर तालुक्यात ग्रामीण भागात इंग्रजी शिक्षणाची गंगा पोहचवणाऱ्या कै . बाळासाहेब भिलारे यांच्या स्नुषा आहेत. त्यांच्याच पावलावर पाऊल ठेवत तेजस्विनी भिलारे या विविध प्रयोग करून शिक्षण व्यवस्थेत बदल करू पाहत आहेत. तळागाळात शिक्षण पोहोचले पाहिजे यासाठी त्या नेहमी धडपडत असतात. तेजस्विनी भिलारे यांनी ‘ शिक्षण व्यवस्थापन ‘ या विषयावर पी.एच.डी. मिळवली आहे.
या यशाबद्दल डॉ. तेजस्विनी भिलारे यांचे सामजिक , राजकीय व शैक्षणिक क्षेत्रातील मान्यवरांनी अभिनंदन केले आहे.