सातारा : रिपब्लिकन सेना कराड तालुक्याची कार्यकर्ता संवाद आढावा बैठक तसेच पक्षप्रवेश कृष्णा पॅलेस या ठिकाणी  तालुकाध्यक्ष हुजेफा मुल्ला यांच्या अध्यक्षतेखाली पार पडला. यावेळी प. जिल्हाध्यक्ष विशाल भोसले यांची प्रमुख उपस्थीती होती. 
        यावेळी सामाजिक कार्यकर्ते आयाज शेख यांचा पक्षप्रवेश झाला.त्यांची सर्वानुमते जिल्हा उपाध्यक्षपदी निवड करण्यात आली. सदरच्या बैठकीत तालुका व शहर कार्यकारणी बांधणी करून येणाऱ्या नगरपालिका, पंचायत समिती, जिल्हा परिषद निवडणुका तसेच सामाजिक प्रश्नांवर आंदोलने उभारून पक्ष वाढीसाठी कार्यकर्त्यांनी प्रयत्न करावे. यावेळी बोलताना विशाल भोसले यांनी कार्यकर्त्यांना सूचना केल्या. आयाज शेख यांनी सरसेनानी आनंदराज आंबेडकर यांच्या नेतृत्वाखाली चालणाऱ्या पक्षाला बळकट करण्याचा निर्धार करण्यात आला. ऍड. गायकवाड यांनीही  विविध प्रश्नांच्यावर लक्ष कार्यकर्त्यांनी देण्याची गरज असल्याचे सांगितले.यावेळी जिल्हा उपाध्यक्ष सुधाकर देवकांत, पाटण तालुकाध्यक्ष सचिन कांबळे, सातारा तालुकाध्यक्ष रमेश गायकवाड आदींनी मनोगत व्यक्त केली. हुजेफा मुल्ला यांनी सुत्रसंचालन केले.इम्रान शेख यांनी आभार मानले.सदरच्या बैठकीस  मनोज कांबळे ,पठाण,मैनुद्दीन मुल्ला, समीर मुलानी, मधुकर कदम, हनुमंत कदम, अमर देवकांत, हसन मुलानी, सूर्यकांत कदम, आनंदा कदम तसेच कराड तालुक्यातील कार्यकर्ते उपस्थित होते.