दि.28/10/2022 रोजी सायंकाळी 06.00 वा. सुमारास कराड येथील प्रसिद्ध व्यापारी यांचा सायबर फ्रॉड हेावून त्यांचे खात्यातील रुपये 88000/- रुपये कट झालेले हेाते. त्यांनी तात्काळ कराड शहर पोलीस ठाणेस संपर्क केला. त्यांचेकडून माहिती घेतली असता त्यांनी घर घेणेसाठी कर्ज घेतलेले पैसे खात्यावर होते. त्यातील रक्कम रुपये 88000/- रुपये कट झालेले आहेत. असे घाबरत सांगितले. 
 सपोनि अमित बाबर व पोलीस नाईक संजय जाधव यांनी व्यापाऱ्याकडून घडलेल्या प्रकाराची माहिती घेतली. नमुद माहितीच्या आधारे सायबर पोलीस ठाणे येथे पोलीस नाईक अमित झेंडे व अजय जाधव यांना संपर्क करून तात्काळ कारवाई करण्यास कळविले. त्याप्रमाणेे सायबर पोलीस ठाणे सातारा व कराड शहर पोलीस ठाणेकडील सर्तक पोलिसिंगमुळे सायबर फ्रॉड होवून व्यापाऱ्याचे गेलेले 88000/- रुपये दि.29/10/2022 रोजी मिळाले आहेत. पोलीसांनी केलेल्या कारवाई बाबत व्यापाऱ्याने पोलीसांचे आभार माणून खरी दिवाळी भेट पोलीसांचे मदतीतून मिळाल्याचे सांगितले. सायबर क्राईम बाबत नागरीकांनी जागरुक राहणे बाबत पोलीसांनी आवाहन केले आहे. कारण जागृकता हाच एकमेव प्रतिबंधक उपाय आहे.  
नमुदची कामगिरी मा.पोलीस अधीक्षक श्री. समीर शेख, मा.अपर पोलीस अधीक्षक श्री. अजित बोऱ्हाडे, मा.उपविभागीय पोलीस अधिकारी डॉ.श्री. रणजीत पाटील व कराड शहर पोलीस ठाण्याचे वरिष्ठ पोलीस निरीक्षक श्री. बी.आर.पाटील व सायबर पोलीस ठाण्याचे पोलीस निरीक्षक सुनील शेळके यांचे मार्गदर्शनाखाली सपोनि अमित बाबर, पोलीस हवालदार संजय जाधव, सायबर पोलीस ठाण्याचे पोलीस हवालदार अमित झेंडे व अजय जाधव यांनी केलेली आहे.