देशमुखनगर - मौजे नांदगाव ता.जि.सातारा येथील ग्रामपंचायत निवडणूक जानेवारी २०२१ मध्ये पार पडली. त्यानंतर सरपंच आरक्षण अनुसूचित जमाती प्रवर्गातून सौ.सारिका मोहन चव्हाण यांची सरपंच पदी निवड झाली होती. 
   २ वर्ष पदावर कार्यरत असताना मुदतीत जात वैधता प्रमाणपञ सादर न केल्याने जिल्हाधिकारी, सातारा यांनी दि.१९ एप्रिल २०२३ ला त्यांना अपाञ घोषित केले. त्यानंतर त्यांनी हायकोर्ट मुंबई येथे याचिका दाखल केली होती. त्या याचिकेस सौ. सुषमा राजेघोरपडे यांनी आव्हान देत लढा दिला होता. तद्नंतर राज्यपाल यांचा मुदतवाढ आदेश आल्यावर बोगस जिल्हाधिकारी आदेश व्हायरल करत गुलाल व फटाक्यांची आतषबाजी करून शंभू महादेव पॕनलच्या नेत्यांनी व कार्यकर्त्यांनी जल्लोष साजरा केला होता. सरपंच यांना हायकोर्टचे कामकाजास मनाई आदेश असताना देखील त्यांनी बेधडक कामकाजात सक्रिय सहभाग नोंदवला होता. सरपंच सौ.सारिका मोहन चव्हाण यांना दि.१३ आॕक्टोबर २०२३ रोजी हायकोर्ट मुंबई यांनी अपाञ आदेश जारी करत प्रत्यक्ष व अप्रत्यक्षरित्या दणका दिला आहे.
        ९ पैकी २ अपाञ व ३ राजीनामे दिल्याने ग्रामपंचायत अल्प मतात आली असून विभागीय आयुक्त, पूणे यांच्याकडे विसर्जन निर्णय प्रलंबित असताना १ सीटची पोटनिवडणूक जाहीर झाल्याने श्री.मानाजी देशमुख यांनी हायकोर्टात राज्य निवडणूक आयोगाच्या विरोधी याचिका दाखल केली असता दिनांक १९ आॕक्टोबर २०२३ रोजी ग्रामपंचायत नांदगाव पोटनिवडणूकीस विसर्जन /बरखास्त प्रस्तावावर निर्णय होईंपर्यंत हायकोर्ट मुंबई यांनी स्थगिती दिली असून ग्रामपंचायत नांदगावचे एप्रिल महिन्यांपासून सरपंच अभावी कामकाज ठप्प झाल्याने जिल्हा प्रशासनासमोर मोठा पेच निर्माण झाला आहे.