सातारा  :  शिरढोण, ता.कोरेगाव येथे भिनज्योत तरुण मित्र मंडळ,बौद्धजन महिला मंडळ  यांच्या संयुक्त विद्यमाने रविवार दि.५ फेब्रुवारी रोजी तथागत भ.गौतम बुद्ध व डॉ.बाबासाहेब आंबेडकर यांच्या मूर्ती प्रतिष्ठापणा कार्यक्रमाचे आयोजन करण्यात आले आहे.
    सकाळी ९ वा.ध्वजारोहण, ९.३० वा.मिरवणूक,दुपारी १२ वा.मूर्ती प्रतिष्ठापणा (शिल्प अनावरण),१२ ३० वा. धम्मदेसना असा समारंभ आयोजित करण्यात आला आहे.जिल्ह्यातील एकमेव भन्ते पूज्य भिक्षु थेरो यांच्या हस्ते होणाऱ्या सोहळ्याचे अध्यक्षस्थान भारतीय बौद्ध महासभेचे कोरेगाव तालुकाध्यक्ष अनिल कांबळे भूषवणार आहेत.आदर्श ग्रामसेविका श्रीमती तृप्ती जाधव यांनी बुद्ध मूर्ती दिली असून डॉ.बाबासाहेब आंबेडकर यांची मूर्ती उपसरपंच यदु दामोदर खंडाईत यांनी दिली आहे. यावेळी प्रमुख अतिथी म्हणून आ.शशिकांत शिंदे, महासभेचे जिल्हाध्यक्ष व्ही.आर.थोरवडे,जिल्हा महासचिव विद्याधर गायकवाड, कोषाध्यक्ष श्रीमंत घोरपडे,संस्कार उपाध्यक्ष अविनाश बारसिंग, सामाजिक न्याय विभाग प्रदेश सरचिटणीस रमेश उबाळे,सरपंच सौ.गीतांजली पवार,राष्ट्रवादीचे तालुकाध्यक्ष जयवंत घोरपडे,युवा उद्योजक कामेश कांबळे,प्रगत शेतकरी सचिन घोरपडे आदी समता सैनिक दल व मान्यवर उपस्थित राहणार आहेत.