दादासाहेब पाटणकर हायस्कूल म्हावशी पेठ येथे ऊस परिसंवाद व शेतकरी मेळावा संपन्न झाला. म्हावशी पेठ येथे निर्मल सीड्स प्रायव्हेट लिमिटेड पाचोरा जळगाव आयोजित ऊस पिक परिसंवाद व शेतकरी मेळावा संपन्न झाला. या मेळाव्यामध्ये अतिपर्जन्य परिसरात ऊस उत्पादन वाढीचे सूत्रे तसेच मातीचे जडणघडण पोत सुधारणे यावर ऊसपिक तज्ञ श्री आबासाहेब साळुंखे यांनी मार्गदर्शन केले. कृषी विभागामार्फत राबविण्यात येणाऱ्या योजनेची माहिती शेतकऱ्यांना देण्यात आली.              
              यावेळी शेतकरी वर्गाचा गुणवत्ता पूर्ण विकास व आधुनिक तंत्रयुक्त शेतीच्या विविध बहुरंगी प्रदर्शनी विशेष आकर्षक ठरली. शेतीला लागणारी नाविन्यपूर्ण उपकरणे कृषी विषयक पंचायत समिती व जिल्हा परिषदेच्या मार्फत राबविण्यात येत असलेल्या विविध लोककल्याणकारी योजना त्यासोबत शेती व्यवसायाला पूरक असे जोड उद्योगाची माहिती देण्यात आली. तसेच निर्मल सीड्स प्रायव्हेट लिमिटेड ची जैविक उत्पादने रासायनिक बायो पावडर गोल्ड याचा जमिनीतील वापर व पिकावरील उत्कृष्ट परिणाम व फवारणीसाठी बायोफोर्स वेज डबल वापर करावा असे सांगण्यात आले. या कार्यक्रमासाठी परिसरातील  शेतकरी मोठ्या प्रमाणात उपस्थित होते.तसेच निर्मल सीड्स चे झोनल अधिकारी श्री सुनील गंधम ,नितीन खलाटे, मार्केट डेव्हलपमेंट ऑफिसर श्री सौदागर चव्हाण, एम.डी संदीप जाधव उपस्थित होते.