उंब्रज: महाराष्ट्र नवनिर्माण विद्यार्थी सेनेच्या सातारा जिल्हा सचिवपदी उंब्रज,ता कराड गावचे सुपुत्र श्री अमोल कांबळे यांची निवड करण्यात आली.महाराष्ट्र नवनिर्माण विद्यार्थी सेनेचे अध्यक्ष आदरणीय श्रीमान अमितसाहेब ठाकरे यांनी  शनिवार दिनांक २४/०६/२०२३ रोजी पश्चिम महाराष्ट्रातील प्रमुख पदाधिकाऱ्यांची राजगड या मनसेच्या मुंबई येथील मध्यवर्ती कार्यालयात बैठक बोलावली होती. दरम्यान,अमोल कांबळे यांच्या निवडीनंतर श्री अमित ठाकरे यांनी कांबळे यांच्याशी सातारा जिल्ह्यातील विद्यार्थी सेनेच्या बांधणीविषयी चर्चा केली.
            मनविसे राज्य सरचिटणीस  गजानन काळे साहेेब यांच्या प्रयत्नातुन  माझी महाराष्ट्र नवनिर्माण विद्यार्थी सेनेच्या सातारा जिल्ह्याच्या सचिव पदी नियुक्ती करण्यात आली असल्याचेही यावेळी श्री अमोल कांबळे यांनी सांगितले असून त्याचबरोबर महाराष्ट्र नवनिर्माण विद्यार्थी सेनेच्या वाढीसाठी सर्वतोपरी प्रयत्न करत भविष्यात विद्यार्थांच्या न्याय हक्कासाठी आक्रमक आंदोलने, निदर्शने करुन विद्यार्थी वर्गास न्याय मिळवुन देण्याचा प्रामाणिक प्रयत्न करणार असल्याचे यावेळी सातारा जिल्हा सचिव अमोल कांबळे यांनी स्पष्ट केले. त्यांच्या या निवडीमुळे जिल्ह्यातील कार्यकर्त्यांमध्ये नवचैतन्य संचारले असून विविध स्तरातून त्यांचे अभिनंदन होत आहे.