पुसेगाव : कै.अभयसिंह राजे भोसले सार्वजनिक वाचनालय व ग्रंथालय या कार्यकारिणीची मीटिंग होऊन या ग्रंथालयाच्या उपाध्यक्षपदी माननीय रामभाऊ जाधव यांची सर्वानुमते निवड करण्यात आली.
 या बैठकीस नारायण जावलीकर, रमेश वैदू, राजू शिर्के,प्राचार्य मापारी सर, यावेळी उपस्थित होते.
 अभयसिंह राजे भोसले ग्रंथालय व वाचनालयाची  स्थापना 2009 रोजी झाली आज पर्यंत या ग्रंथालयाचे कामकाज चांगल्या पद्धतीने चालत आहे, ग्रंथालयामध्ये विविध विषयावरती हजारो पुस्तके या ठिकाणी वाचण्यास उपलब्ध आहेत. याचा लाभ तरुणासह ग्रामस्थ तसेच आभाळ वृद्धांना मिळत आहे. या ग्रंथालयाची नुकतीच उपाध्यक्ष पदाची निवड झाली त्यामध्ये सर्वानुमते भटक्या विमुक्त संघटनेचे राज्याचे सरचिटणीस व जनक शोधांचे लेखक  माननीय रामभाऊ जाधव यांची सर्वानुमते निवड करण्यात आली.
. यानंतर बोलताना रामभाऊ जाधव म्हणाले या ग्रंथालयाचे मी संस्थापक सदस्य असून, नेहमीच या ग्रंथालय वाढवण्यासाठी प्रयत्नशील राहिलो आहे.या पुढील काळात जास्तीत जास्त योगदान देऊन या ग्रंथालयाच्या प्रगतीसाठी  योगदान देणार असल्याचे सांगितले तसेच 'गाव कुसाबाहेर', व 'कुळुरवाती' या पुस्तकाचे प्रकाशन लवकरात लवकर करण्यात येणार असल्याचेही सांगितले. त्यांच्या या उपाध्यक्ष पदाच्या निवडीबद्दल  सर्व स्तरातून अभिनंदन करण्यात येत आहे.