पळशी : क्रीडा व युवक सेवा संचालनालय महाराष्ट्र राज्य,पुणे व जिल्हा क्रीडा अधिकारी कार्यालय,छत्रपती संभाजीनगर यांच्या संयुक्त विद्यमाने छत्रपती संभाजीनगर येथील विभागीय क्रीडा संकुल गारखेडा मैदानावर घेण्यात आलेल्या १४ वर्षाखालील राज्यस्तरीय शालेय बेसबॉल स्पर्धेमध्ये कोल्हापूर विभागाचे प्रतिनिधित्व करणाऱ्या मेरी माता इंग्लिश मेडियम स्कूल पिंगळी बुद्रुकच्या १४ वर्षे खालील मुलांच्या संघाला उपविजेतेपद मिळाले.कोल्हापूर विभागाचे प्रतिनिधित्व करणारा मेरी माता इंग्लिश मेडीयम स्कूल पिंगळी बुद्रुक विरुध्द पुणे विभागाचे प्रतिनिधित्व करणाऱ्या डॉ.कदम गुरुकुल इंदापूर यांच्या दरम्यान अंतिम सामना झाला.अत्यंत चुरशीच्या झालेल्या अंतिम सामन्यामध्ये मेरी माता मुलांच्या संघाने उत्कृष्ठ खेळाचे प्रदर्शन घडविले.मात्र,या सामन्यामध्ये त्यांना पराभवास सामोरे जावे लागले व उपविजेतेपदावर समाधान मानावे लागले.बिलासपुर (छत्तीसगड) या ठिकाणी होणाऱ्या ६५ व्या राष्ट्रीय शालेय बेसबॉल स्पर्धेसाठी या संघातील चिन्मय दादासो राऊत याची महाराष्ट्राच्या संघामध्ये निवड झाली आहे.या यशाबद्दल सातारा जिल्हा क्रीडाधिकारी नितीन तारळकर,सातारा जिल्हा बेसबॉल असोसिएशन चे सचिव ज्ञानेश काळे,मुख्याध्यापक फादर जिनो थॉमस,शाळेचे मॅनेजर फादर सचिन,सर्व पालक प्रतिनिधी,शिक्षक शिक्षकेतर सर्व कर्मचारी यांनी उपविजेत्या संघाचे अभिनंदन केले तसेच,चिन्मय यास राष्ट्रीय स्पर्धेसाठी शुभेच्छा दिल्या.या खेळाडूंना क्रीडा शिक्षक सुरेश खराडे,बेसबॉल प्रशिक्षक गणेश गोरे व विष्णु काळेल यांचे मार्गदर्शन लाभले.