पांचगणी : पांचगणी येथे फ्लॅटचा ताबा घेण्याचे उद्देशाने संगनमताने अनधिकारपणे घरात घुसले बाबत पांचगणी पोलीस ठाण्यात चौघाविरोधात गुन्हा दाखल झाला असून हे सर्वजण फरार असून पोलिस त्यांच्या मागावर आहेत. 
याबाबत पांचगणी पोलीस ठाण्यातून मिळालेली अधिक माहिती अशी की पांचगणीतील जुन्या पोलीस ठाण्यासमोर जैन मंदिर रोड वर असणाऱ्या ओशो अपार्टमेंट मधील फ्लॅट नंबर 203,204 मध्ये 
अन्वर हुसेन मोहम्मद हुसेन शेख (वय 52 वर्ष  ) हे आपली पत्नी व मुलीसोबत राहत असून दिनांक १८ फेब्रुवारी रोजी सकाळी १० ते ३ वाजताचे सुमारास स्मृति सिराज गोवानी( भट), भारती जोधिया , हुसेन माला,हितेश भंडारी सर्वजण राहणार पांचगणी अशा चार जणांनी फ्लॅट ताब्यात घेण्याचे उद्देशाने घराचे कडी कोयंडा कुलूप तोडून अनधिकार पणे घरात घुसून माझ्या संमती शिवाय माझे घरातील असणाऱ्या वस्तूची नासधूस करून इतरत्र टाकून  लॅपटॉप ,टॅब ,सरकारी पत्र व्यवहारांची कागदपत्रे, युनिव्हर्सिटीचे व जमिनीचे मूळ कागदपत्रे वरील चौघांनी चोरून नेली असल्याचे फिर्यादीत शेख यांनी दिली आहे. 
 या संशयित चौघांविरुद्ध पोलिसांनी भा.द.वि.स कलम ४४८,४५४,३८०,३४ प्रमाणे गुन्हा दाखल केला असून पोलिस या चौघांच्या शोधात आहेत. अधिक तपास पांचगणी पोलीस ठाण्याचे सहाय्यक पोलीस निरीक्षक राजेश माने व त्यांचे सहकारी करीत आहेत.